Рӱдер пелен латкок ий чоло пашам ыштыме жапыште театр В. Григорьевын «Йӱксӧ ӱдыр», чуваш драматург Ярдуковын «Агытан мурымо годым» да моло спектакльым калык ончыко луктын. А Валерий Абукаевын «Стипендий» ойлымашыже почеш инсценировкым ыштен (тудым актер да режиссер Валерий Григорьев ямдылен), тыгаяк лӱман спектакль дене театр «калык» лӱмым сулен налын.
Ты тургымышто калык театр вигак кок пашам ямдыла. Тиде М. Шкетанын «Важык вуян йыдал» да «Кок сӱанат пеле» мыскараже-влак, тыгак Л. Яндаковын «Воштылаш гын, воштылаш» пьесыж почеш спектакль-влак ямдылалтыт.
Калык театр спектакльыште модаш кумылан ӱдыр-рвезе-влакым кажне шочмын да изарнян 18.00 шагатлан шкеж дек ӱжеш.