17 февральыште Марий кугыжаныш университетын финн-угроведений институтын актовый залышкыже  регион гыч толшо (Татарстан, Удмуртий, Свердловский да Башкартостан) икшыве-влак погыненыт. Нунылан  Марий тӱвыра рӱдерын методистше-влак  «Ковамын юзо шондыкшо» вашлиймаш касым эртареныт. Лариса Сидоркина сылне мурыжо дене уна-влакым куандарен. Пошкудо марий калыкын марий йылме да литератур олимпиадыш толшо йоча-влаклан   вашлиймаш кас пеш келшен.