Марий рўдер ўярнялан ямдылалтеш

Тений Марий Ӱярня 25 февральыште Советский районысо Верх-Ушнур ялыште лиеш.

Пайремышке тӱрлӧ кундемла гыч фольклор ансамбль-влак (Оршанке районын «Какшан сем», У Торъял районын «Эрвий», Медведево районын «Весела кумыл», Куженер районын «Ший аршаш», Йошкар-Ола гыч «Чон оҥгыр» унала толыт. Советский районын фольклор ансамбльже-влак: Советский поселкын «Кугезе кумыл»,   «Кукмарий ялын «Весела кумыл», Кельмаксола ялын «Муро аршаш», Кужмаран «Эр ӱжара», Михайловка селан «Лыжга сем»  Ӱярня пайремыште марий йӱлам ончыктат.

Толшо-влакым «модыш мешак» тӱрлӧ калык модыш, ӱчашымаш, конкурс-влак дене модыкта,  ӱярня курыкышто чапле ече, издер, калай волак ден ӱчашен мунчалташ тарата. Сеҥыше-влакым ӱярня пӧлек куандара.

Мучашлан фольклор ансамбль-влак пайрем концертым ончыктат.

Ӱярня пайремыш кажне марий еҥым пагален ӱжына!

Тамле марий мелнам кочнет гын, йолташет, пошкудетым намие. Ит шого ӧрын, муро, кушто, курык гыч мунчалте.

Ӱярня йор-йор -йор, мелна чож-чож-чож!

 

 

 

 

Похожие записи