Кугыжаныш пайрем — Марий тиште кече

Эртыше шуматкечын Курчак театрышке калык шыҥ-шыҥ погынен.

10 декабрьыште марий калык Марий тиште кече пайрем пайремлен. Ынде ятыр ий Марий тиште кече калык чоным вӱчка, марийын кнагажым ушкал кочкын манын ойлаш нигӧ огеш вашке.

Курчак театрын фойештыже книга выставка кумда посто гай шарлен шогалын ыле. Марий книга савыктыш, В.Колумб лӱмеш рӱдер-тоштер да т.м. издательстве-влаклан лудаш книгам кугешнен ужалышт.

Марий пайрем дене саламлаш Марий Эл Республик вуйлатышын алмаштышыже, тӱвыра, печать да калык-влакын пашашт шотышто министр Михаил Зиновьевич Васютин, Кугыжаныш Погын вуйлатышын алмаштышыже Анатолий Иванович Иванов толыныт.

М.Васютин марий йӱлам аралымаште кугу надырым пыштымыжлан онаеҥ Альберт Иванович Рукавишниковлан Марий Эл Республик Правительствын Почетный грамотым кучыктыш.

Анатолий Николаевич Иванов марий возыктышын кугу кӱкшытышкӧ нӧлталалтмыжым палемдыш.

Марий тиште пайремышке самырык марий ӱдыр-влак толыныт. «Ямде лий» газет Марий Эл Республикын шочмыжлан плеклалтше викториныште сеҥыше-влакым палемдышт да шергакан полекым кучыктыш.

Марий тиште кечым пайремлаш толшо-влакым РФ сулло артистше, Марий Элын калык артистше Иван Смирнов, Марий Элын сулло артистышт Олег Логинов, Вячеслав Сазонов, Александр Беляев, «Шокто гармонь», Марий кугыжаныш университетын ӱдыр-рвезышт да т.м. куандарышт. Пайрем кас «Марий калык арале мландетым…» (мутшо Т.Пчелкинан, семже Ю.Шишмаковын) мучашлалте.

Похожие записи