Се?ымашын мурыжо

28 октября 2009

{smscoin_key}

ЗЕМЛЯНКЫШТЕ

(«В землянке»)

Мутшо А. Фатьяновын

Семже В. Соловьев-Седойын

Марлашке С. Элембаев кусарен

Тул йўла комакаште лойген,

Нулго киш шинчавўдла коеш,

Да землянкыште тыйын нерген

Мылам кудыр гармонь муралеш.

Ойлыш тыйын нерген мыланем

Москва лишне луман ош пасу.

Тый от пале, кузе шўм-чонем,

Ужде тыйым, ласкан огеш му.

Йўштє лум когыньнам ойыра,

Кызыт тый пеш мўндўрнє улат.

Тый декет корнем мыйын тора,

А колаш сита ныл ошкылат.

Муралтал тый, гармонь, талынрак,

Лишемден пиалан кечылам.

Кеч землянкыште йўштє гынат,

Шўм-тулет пуа вийым мылам.

КАТЮША

Мутшо М. Исаковскийын

Семже М. Блантерын

Марлашке М. Казаков кусарен

Пеледалтын олмапу ден груша,

Тўтыраже эркын ийылден.

Э‰ер серыш легылден Катюша,

Кўкшє серыш волгыдо эрден.

Легылдале, мурыжым тў‰але,

Пеш мотор степной орел нерген

Тудо мурыш, кєн чот йєраталын,

Кєн письмажым арален илен.

Ой тый, муро, ўдыр е‰ын муро,

Чапле кечын почешше тый кай.

Пеш мўндўр границышке боецлан

Тый Катюшан саламжым на‰гай.

Тек шарналже ўдырым-простойым,

Колыштшо, кузе тудо мура.

Тек аралже мландынам-роднойым,

А Катюша мутшым арала.

«СМУГЛЯНКА»

Мутшо Я. Шведовын

Семже А. Новиковын

Марлашке С. Элембаев кусарен

Ик эрдене ке‰еж кечын

Лектынам садер ло‰гаш.

Тушко толын молдаванка

Виноградым погалташ.

Онченам мый вожылалын

Шоненам тудлан ойлаш

Каена вўд серыш

Эр ўжарам вашлияш.

Кудыргалше

Ваштарын ужар лышташ

Йєраталме

Онченам тыйын шинчаш

Ужар ваштар

Да кудыр ваштар

Ваштарын ужар лышташ.

Тиде ўдыр молдаванка

Рвезылан ойлен тунам

Салтак-влакын ме отрядым

Погена адак чолган.

Кайыш тушко партизан-влак

Шочмо мє‰гыштым коден

Вучалеш йолгорно

Тыйымак салтак коклаш.

Кудыргалше

Ваштарын ужар лышташ.

Тиде верыш

Толынна ме ойырлаш.

Ужар ваштар

Да кудыр ваштар

Ваштарын ужар лышташ.

Да вот кайыш тиде ўдыр

Мыйым шкетемым коден.

Муренам тунам чон йєсын

Тек ойгем йўла сем ден.

Йўдшє-кечыже шональым

Шўмбелем дене ужаш.

Каенам салтакыш

Тудым угыч вашлияш.

Кудыргалше

Ваштарын ужар лышташ.

Вот сай рвезе

Толын элым аралаш.

Ужар ваштар

Да кудыр ваштар

Ваштарын ужар лышташ.

ТУЛ

(«Огонек»)

Мутшо М. Искаковскийын

Семже калыкын

Марлашке А. Бик кусарен

Боецнажым позицийыш

™дыръе‰ ужатен,

Пич кастен ойырлалыныт

Пєрт тошкалтыш воктен

Тўтыра воштет рвезына

Кунар кертын ончен,

™дыр е‰ын окнашкыже

Эреак тул йўлен.

Рвезым порын вашлийылдыш

Фронтовой сай ешна,

Йырым-ваш йолташ-шамычше,

Та‰же улыт чыланат.

Но пеш палме уремжым гын,

Рвезе ок керт монден:

– Кушто ўдыр йєратымем,

Кушто мыйын тулем?

Мўндыр ўдыр йолташыже

Сай саламым колта:

– Мемнан ваш йєраталмынам

Нигє ок керт йєртал.

Чыла мом шонышна гын ме,

Шуэш шке жапыштет,

Жап деч ончыч ок йєрє вет

Шєртньє гае тулет.

Пеш ласка да пеш куштылго

Боецнан шўмжылан,

Тыгай шокшо да ныжылге

Поро сай письмалан.

Осал шакше тушман-влакым

Кыра чот нигє деч,

Совет Родиныж верчын да

Шке родной тулжо верч.

ПЫЧКЕМЫШ Й™Д

(«Темная ночь»)

Мутшо В. Агатовын

Семже Н. Богословскийын

Марлашке С. Элембаев кусарен

Пычкемыш йўд

Пасулаште пуля мура.

Воштыр мучко мардеж вел шўшка

Шўдыржат шўлыка‰ын.

Пычкемыш йўд

Шўмбелемже от мале палем

Тый шыпак икшыветын воктен

™штылат шинчавўдым.

Припев:

Мый йєратем

Шинчашкет йывыртен ончалаш

Да адакат

Шупшалаш шыматен тўрвет

Шем шыже йўд

Ойыра, шўмбелем, когыньнам

Сўсандарыше пич шем пасу

Лач мемнан коклаш возын.

Мый ўшанем

Тыланет йєраталме та‰ем

Ты ўшан арала илышем

Пычкемыш йўдым

Мый куанем

Сарыштат тый улат ушыштем

Да вучет мє‰гє пєртыл толмем

Кеч лиям сусыргалше.

Припев:

Эх, колымаш

Лўдын омыл туддеч ик пырчат.

Кеч кызытат

Курныж гае пєрдеш (вуй ўмбалне) каваште.

Мыйым вучет

Йўдымат шонкален шып шинчет

Садланак дыр мемнан ик тушман

Огеш керт лўдыкталын.

КАНДЕ ШОВЫЧ

(«Синий платочек»)

Мутшо Я. Галицкийын да М. Максимовын

Семже Г. Петерсбургскийын

Марлашке Е. Семенова кусарен

Канде мотор изи шовыч

Волыш вачет гыч тунам.

«Ом мондо, – маньыч, –

Ты вашлиймашым,

Ныжыллыкет нигунам».

Пелйўд лийшан

Ме ойырленна, та‰ем,

Йомыч йўдна-влак,

Ныжыл, вучалме,

Кушто улат, шовычем?

Серыш-влакетым налам да

Лишыл йўкетым колам.

Да корныла гоч

Ты канде шовыч

Угыч коеш шинчаштем.

Мылам кончен

Ик гана огыл эрден

Канде кас умыр,

Шовыч гоч кудыр,

Шыргыжше ўдыр шинча.

Кунар лишыл шовычым, шергым,

Шўмешна нумал коштына.

Куан вашлиймашым,

™дырын вачым

Шучко сар гоч шарнена.

Шўмбел-влак верч,

Мемнан йєраталмына верч

Почка пулеметчик

Вачетын ўмбалсе

Кандалге изи шовыч верч!

ТУРНЯ-ВЛАК

(«Журавли»)

Мутшо Р. Гамзатовын

Семже Я. Френкельын

Марлашке Е. Семенова кусарен

Вўран пасу гоч

толдымо салтак-влак

Мландешна возын огытыл малаш.

Чучеш мылам тыге ала-молан гын,

А савырненыт ош турня кашташ.

Да кызытат, торасе жапым ше‰ын,

Эртат да угыч-угыч йўкланат.

Ала садланак, кумыл тодылалтын,

Каваш ончен, жаплан шыпланена.

Эрта турня кашта каваште нелын,

Эрта рўмбалге кас ден вўдылалт.

Ужам кашташте кодшо изи верым –

Ты вер мылам

яра кодалтын мо, ала?..

Шуэш кечем – мыят турня тўшка ден

Ош тўтыра коклаште чо‰ештем.

Эртем мый кўшыч,

ийын, пыл ло‰га гыч,

Мландешак

кодшо-влакым кычкырен.

СЕНЫМАШ КЕЧЕ

(«День Победы»)

Мутшо В. Харитоновын

Семже Д. Тухмановын

Марлашке Е. Семенова кусарен

Се‰ымашна,

Лийынат моткоч тора,

Йєрышє тулшолла

Шулыш тулора.

Кодо корно, когаргалше, пуракан…

Тиде кечым лишемденна ме чылан!

Припев:

Тиде Се‰ымашна –

Кочо тар пушан,

Пайремнажым

Вашлийна ме чал ўпан.

Куаннаже –

Мыланна шинчавўдан.

Се‰ымашна!

Йўдшє-кечыже

Олтен мартен ко‰гам,

Малыде тыршен элна мемнан.

Йўдшє-кечыже сєй лийын куатан,

Тиде кечым лишемденна ме чылан.

Припев.

Аваем, чылаштым шыч шукто вучен,

Чарайолын чымышаш ыле

Лупсан эрден…

Пел Европым ме эртенна, пел тўням,

Тиде кечым лишемденна ме чылан.

Припев.

Тушман-влак пєртшыге йўлалтышт

(«Враги сожгли родную хату»)

Семже – М. Блантерын

Марлашке Е. Семенова кусарен

Тушман-влак пєртшыге йўлалтышт,

Пытарышт уло ешымат

Куш кайыман ынде салтаклан,

Кєлан шке ойгым на‰гайман?

Кок корнывожын ушнымашыш

Чон ойго ден кая салтак,

Шаршудо дене леведалтшым

Муэш пасушто чо‰гатам.

Шога салтак, да логар а‰ыш

Пеш кочо комыля толеш.

Ойла салтак, ўжеш пелашым:

«Вашлий, Прасковья, мариет…

Уналан ямдыле чесетым,

™стелым пого суртешна,

Да пєртыл толмо пайремемым

Пырляште ме вашлийына».

Нигє салтаклан ыш вашеште,

Вашлияшат нигє ыш лек.

Шўгар ўмбалне ужарештше

Лач шудо тайналтен пелвек.

Кугун шўлалтымек, мешакшым,

Канд(ы)рам руден, салтак почеш.

Шўгарын йўштє мландевакше

Ик кочывўд атыш луктеш.

«Прасковья, мыланем ит сыре,

Тыге пўрен толаш мылам.

Тазалык верч йўнем мый ыле,

А лекте йєршын тупела.

Йолташ-влакна вашла ушненыт,

Ме ваш она лий курымеш…»

Да аракам чон ойгыж дене

Лошеш пайлен, салтак йўэш.

Йўэш салтак. Шуктен шке долгшым.

Ойла салтак, шўм-чон коржтен.

«Мый тый декетше ныл ий тольым,

Кугу кум элым сукыктен.»

Салтакын кумыл тодылалтын,

Лектеш шинчавўдшат шонен

А о‰ыштыж медаль волгалтын

Медальын акше – Будапешт.

Курык шойык шыле кече

(«Солнце скрылось за горою»)

Мутшо А. Коваленковын

Семже – М. Блантерын

Марлашке Е. Семенова кусарен

Курык шойык шыле кече,

Т?ўтыра шо‰ла возеш э‰ер ўмбаке

А лопка степь корно дене

Сар гыч мє‰гє ошкылыт совет

салтак-влак.

Йўлалталше шокшо кечын

Гимнастеркышт вачўмбалнышт

лыжгаялтын;

Шочмо знамяшт тушман

дечын

Салтак-влакын шўмышт дене

аралалтын.

Илышыштым ышт чамане,

Йєраталме шочмо элым аралашлан

Чыла сєйыштє тушманым,

Тул кучедалмаште, се‰ышт нуно талын.

Корно мє‰гє велыш чапле,

Но кўлеш гын, мланде тўрыш

ошкылыт салтак-влак.

Шочмо знамялан ўшанлык,

Се‰ымашышке тул гочын тый на‰гае!

Курык шойык шыле кече,

Тўтыра шо‰ла возеш э‰ер ўмбаке

А лопка степь корно дене

Сар гыч мє‰гє ошкылыт совет салтак-влак.

Алеша

Мутшо К. Вашенкинын

Семже Э. Колмановскийын

Марлашке Е. Семенова кусарен

Велеш ма пасушко лум ошо,

Лум ошо, лум ошо,

Велеш ма пасушко лум ошо,

Я тале йўр йўрын эрта.

Шога аркамбалне Алеша,

Алеша, Алеша.

Шога аркамбалне Алеша

Болгарий(ы)ште ик руш салтак.

Чонемлан ондаксылак кочо,

Ондаксылак кочо.

Чонемлан ондаксылак кочо,

Эрталын кеч вулно тўтан.

Ир кў гычын сур гимнастерка,

Шем сур гимнастерка,

Ир кў гычын сур гимнастерка

Ир кў гычын тудын кемжат.

Ты шучко нумалтыш йымалне,

Нумалтыш йымалне,

Ты шучко нумалтыш йымалне

Лўмде гыч кият рвезе-влак.

Но тидыжын лўмжє – Алёша,

Алёша, Алёша,

Но тидыжын лўмжє – Алёша,

Болгарий эл мучко палат.

Эн тыныс мотор олык лопыш,

Мотор олык лопыш,

Эн тыныс мотор олык лопыш.

Волен огеш керт иканат.

Ок пу ўдыр-влаклан аршашым,

Аршашым, аршашым.

Ок пу ўдыр-влаклан аршашым,

Пеледышым тудлан кондат.

Тунемме мардеж, кече семын,

Мардеж, кече семын,

Тунемме мардеж, кече семын,

Чылалан йўд шўдыр гаяк.

Шога ты олан вуй ўмбалне

Олан вуй ўмбалне

Шога ты олан вуй ўмбалне

Да пуйто шоген эреак.

Велеш ма пасушко лум ошо,

Лум ошо, лум ошо,

Велеш ма пасушко лум ошо,

Я тале йўр йўрын эрта.

Шога аркамбалне Алеша,

Алеша, Алеша.

Шога аркамбалне Алеша

Болгарийыште ик руш салтак.

Ик се‰ымаш кўлеш чылалан

(«Нам нужна одна победа»)

Мутшо да семже Б. Окуджаван

Марлашке Е. Семенова кусарен

Ок муро кайыкат,

Огеш куш пуше‰гат,

Лач меак вел, ваш э‰ертен,

Мландеш вожа‰ынна.

Пєрдеш планетына, йўлалын,

Шикш вўдылеш кумда элнам

Ик се‰ымаш кўлеш чылалан,

Чылалан икте – аклан ме она шогал

Вуча мемнам тул тамык,

Садак се‰ен ок тол,

Єршаш уке,

Кая пич йўдым

Лўддегыч,

Луымшо десантан батальон

Изиш сєй шыплана –

Уэш приказ йо‰га.

Да почтальонын уш кая

Кычалшыжла мемнам.

Йошкар ракет кўза, чымалтын,

Да пулемет сырен ырла.

Ик се‰ымаш кўлеш чылалан,

Чылалан икте – аклан ме она шогал.

Курск да Орел воктеч

Конден сар корнына

Тушманын чылт капкаж йотке –

Тыгае пашана.

Иктаж-кунам чыла шарналын,

Кузе ўшанашат тидлан.

А кызыт се‰ымаш кўлеш чылалан.

Чылалан икте – аклан ме она шогал.

Лўм деч поснасе чо‰гаташте

(«На безымянной высоте»)

Мутшо М. Матусовскийын

Семже В. Баснерын

Марлашке Е. Семенова кусарен

Йўлен, шикшештын, ужар ото,

Кас ўжара ден тул варна.

Лач кумытын вел илен кодмо,

А латкандашын лийынна.

Пич курымаш пычкемыш йўдыш

Кунаре возо сай йолташ.

Йєршешак палыдыме верыш,

Лўм деч поснасе кўкшаташ.

Ракета кўшычын, волгалтын,

Камвозын сокыр шўдырла.

Кєлан ужашыже пўралтын,

Ок мондо тидымат тетла.

Монден ок керт ты сєй уверым,

Ок мондо сарым нигунам.

Йєршешак палыдыме верым,

Лўм деч поснасе кўкшатам.

Шем «мессер» пєрдын йўд каваште,

Волгалтын кечывалсыла.

Лўйкалыме сип тул коклаште

Чотрак ме келшышна вашла.

Но кеч-кунаре неле темдыш,

™шанлан шыч пу тый йомаш

Йєршешак палыдыме вер ден(е)

Лўм деч поснасе кўкшаташ.

Сар корным эртыше пырлясе

Йолташ-влакем кончат тачат,

Коеш омеш лапка землянка,

Когаргыше укшан пўнчат.

Шогалынам мый пуйто угыч

Пырля тул корным авыраш,

Йєршешак палыдыме верыш,

Лўм деч поснасе чо‰гаташ.

Моя Москва

(«Мыйын Москвам»)

Мутшо М. Лисянскийын

Семже И. Дунаевскийын

Марлашке Е. Семенова кусарен

Тўня мучко шагал огыл коштым,

Землянкеш, окопеш маленам.

Кок гана мландыш илышым тойышт,

Ойгырен, йєратен моштенам.

Но эреак, кугешныше лийын,

Ойленам мый чыла вереат:

Мыйын шерге мотор столицем!

Мыйын шєртньє кугу Москвам!

Москва йыр кушшо сылне отетым,

Йєратем мый кугу кўварет.

Йєратем мый Йошкар площадетым,

Кўкшє Кремльын курант кырымет.

Да чыла вере мый колам иктым,

Кеч ола, кеч ялла – садыгак:

Мыйын шерге мотор столицем!

Мыйын шєртньє кугу Москвам!

Ме шарнен кодына, кузе тодышт,

Танк-влак мўгырышт, тєчышт се‰аш

Курымла гоч тунам илаш кодыч

Патыр эргыч-влак коло кандаш.

Но тушман вучен ок шукто иктым:

Сукалтен тый от шич нигунам,

Мыйын шерге мотор столицем!

Мыйын шєртньє кугу Москвам!

Майский вальс – Май вальс

Семже – И. Лученокын

Марлашке Е. Семенова кусарен

Улат нылле визымше шошо –

Кунар тыйым вучыш Дунай!

Европысо калыклан кондыш

Се‰ен налме эрыкым май!

Утарыме Венын уремыш,

Рўжге, калык тич погына.

Сар гочын эрталше гармонь

южым темыш

Руш вальсым салтакна шокта.

Шарне, Вена,

Шарне, Альпа да Дунай,

Чонешда кодеш тек

Тиде сылне май.

Пєрдын, ты руш вальс

Почеш куштымыдам

Шўм шарна да

Огеш мондо нигунам!

Єрдегычын, куштылгын, сылнын

Торашке салтак вальс йо‰ген.

А Вена, мурен, пырля пєрдын,

Да Штраус шке пуйто шоктен.

Куан ден(е) салтак шыргыжалын,

Гармоньым ишен шўм пелен,

Да пуйто шке шочмо Юл мландым єндалын,

Российым єндалын, шонен.

Чал Вена ўмбачын эрталын

Вальс, ийын, пылла чо‰ештен.

Йо‰ген ўжшыла, шыматалын,

Да шошо чылам а‰ыртен.

Мондалтдыме ий – нылле визыт.

Дунай тыйым шуко вучен!

А Венын кугу уремешыж руш вальсым

Салтак гармонь дене шоктен.

Песня–сказ о Мамаеве кугане

Мамаевын кўкшакаж нерген муро-ойлымо

Семже – А. Пахмутован

Марлашке Е. Семенова кусарен

А Мамайын кўкшакаште тўвыт шып,

А Мамайын кўкшакаште йыр сип шып.

Шучко сарым тойымо ты кўкшакаш,

Тыныс серыш толкынлан вел лупшалташ.

Курымашлык тиде тымык ончылан

Вуй сакен, ава шогалын ош мелан.

Чал ава, ик йўк лукдеак, ўшанен,

Тыште шочмо эргыжым ужаш шонен.

Петырна степь шудо дене лакыла,

Кє колен гын, огеш керт кынел тетла.

Огеш тол да огеш ойло нигунам:

«Илыше, ужат, авай, мый толынам.»

Волгоградысе кас мландышке вола,

Но ава ок кай, шке эргыжым вуча

Тыныс серыш толкын веле лупшалтеш,

Мутлана ава ден(е) тудо, йодыштеш.

Шўшпык-влак.

(«Соловьи, соловьи»)

Мутшо А. Фатьяновын

Семже В. Соловьев-Седойын

Марлашке Е. Семенова кусарен

Шўшпык-влак, шўшпык-влак,

Огеш кўл тургыжаш.

Тек салтак-влак малат изишак

А фронтыш шошо толын, раш,

Салтакын омым кўрышташ.

Салтак-влак огыт керт мален:

Уэш мурат, чыла монден,

Сєй-кредалмашым чактарен,

Изи сар шўшпык-влак, орен.

Шўшпык-влак, шўшпык-влак,

огеш кўл тургыжаш.

Тек салтак-влак малат изишак.

А шўшпыклан вет сар уке,

Огеш керт тудо мурыде.

Мален ок керт, шона салтак,

Ужар садерым шарналта.

Туштат сар шўшпык муралта,

Салтакым мє‰гє еш вуча.

Шўшпык-влак, шўшпык-влак,

Огеш кўл тургыжаш.

Тек салтак-влак малат изишак.

Эрла адак вет кредалмаш,

Мемнан тыгае пўрымаш.

Коден пелашым кайышна,

Пасунам тулык кодышна.

Но кажне ошкыл лишемда,

Мемнам суртна деке конда.

Берлин гыч тольым.

(«Ехал я из Берлина»)

Мутшо Л. Ошанинын

Семже И. Дунаевскийын

Марлашке Е. Семенова кусарен

Мый Берлин гычын тольым

Ик тура корно ден.

Ик машин ден вел огыл

Фронт гыч тольым мє‰гем.

Кодышым мый Варшавым,

Орел деч толынам,

Кушто руш салтак чапым

Чыла корно шарна.

Эй, вашлий! Да шокшынрак єндал!

Чаркаш аракатым тичрак темалтал!

Мўндыр корным эртална

Йолташ-влак ден пырля,

Но нигушто укеак

Шочмо вер деч сайрак.

Чеверрак кечынаже,

Ойлынем, йолташ-влак,

Улыт ўдыр-влакнаже

Нигє деч сылнырак.

Шошо умыр кас верчын,

Элем верч шогенам,

Шем шинчат верч эшежым

Сєйыш мый пуренам.

Тўзланал пеледалт-ян,

Шєртньє шочмо верем!

Шокшынракын шупшал-ян,

Мыйым тый, шўмбелем!

Вучыдымо вальс

(«Случайный вальс»)

Мутшо М. Долматовскийын

Семже М. Фрадкинын

Марлашке Е. Семенова кусарен

Кўчык йўдеш

Пыл нералеш.

Мыйын кидышке ўдыр кид возын,

Лўмжымат кеч ом пале йєршеш.

Улналын ноен,

Ола шып мален,

Пуртыш тышке вальс йўк, вўдылалын,

Ик шагат жапем улмым пален.

Мый йєршешак ом пале тендам,

Шочмо вер деч тораште улам.

Но чучеш, пуйто угыч…

Мє‰гє пєртыльым лугыч…

Мыланна тиде зал…

Ныжыл вальс, пєрдыктал

Лукса те кеч ик мутым,

Мо нерген, шке єрам.

Вальсым кушташ,

Мураш да келшаш…

Мый шижам, куштенжат пеш ом мошто.

Те ида нал вуеш, мый йодам.

Но эр шуэш,

Походыш ўжеш…

Оладажым коден кайышемла,

Мый капка воктечда ошкылам.

Пытартыш кредалмаш.

(«Последний бой»)

Мутшо да семже М. Ножкинын

Марлашке Е. Семенова кусарен

Тынаре жап, тынаре жап канен онал ме,

Мемнан йєршешак лийын огыл жап канаш.

Ме пел Европым мўшкыр дене нушкын лекме,

Эрла, эрла лиеш пытартыш кредалмаш.

Эше изишак, эше изиш,

Пытартыш сєй – эн йєсє сомыл,

А мыйын чоным шупшеш Россий,

Авам тынар жап ужын омыл.

Вашке ныл ий – фриц каргыш илышнажым,

Вашке ныл ий — пўжвўд да вўр э‰ер.

Шонем сай ўдырым шыман йєратышашым,

Да пеленетше тўкнынем, о шочмо вер.

Лийшаш эрла пытартыш вашпижмашна,

Россий пелен мучаш мартеак лийына…

Ме пурена лўддегыч шучко колымашыш,

Илен кодаш саадак кеч кажне ўшана.

Кушто улыда, ик полкысо йолташ-влак

(«Где же вы теперь друзья-однополчане»)

Мутшо А. Фатьяновын

Семже В. Соловьев-Седойын

Марлашке Е. Семенова кусарен

Майын кўчык йўдым, кўдырталтын,

Чарныш кужу сєйын кредалмаш.

Кушто улыда, ик полкысо йолташ-влак,

Кє дене пўрен сар вошт эрташ?

Касвелеш лектам пасу капка дек

™жарам ончем, кузе шылеш.

Ала тышке мыйын палыме салтакым

Корнымбал мардеж – лай кондалеш.

Коктын кертына ыле шарналын

Эртыме эн йєсє уштышлам.

Се‰ымаш лўмеш кўлеш, чаркам нєлталын,

Йолташ-влак олмешат подылаш.

Шуктен отыл тый ала еша‰ын,

Йолташем ит ойгыро пырчат:

Мемнан дене код илаш тышанак,

™дыр-влак мотор улыт чынак.

Тыланет ме чо‰ена у пєртым,

Ужышт да тек палышт чыланат.

Тыште еш ила Российысе геройын,

Кє о‰ дене арален элнам.

Майын кўчык йўдым, кўдырталын,

Чарныш кужу сєйыш кредалмаш.

Кушто улыда, ик полкысо йошлташ-влак,

Ко дене пўрен сар вошт эрташ.

Нал шинелет, мє‰гет вучат

Бери шинель, пошли домой

Мутшо Б. Окуджавын

Семже В. Левашовын

Марлашке Е.Семенова кусарен

Ме улына, шоляш, пехота,

А теле деч ке‰еж сайрак.

Почешна кодо сар тул отыл,

Почешна кодо сар тул отыл.

Почешна кодо сар тул отыл,

Нал шинелет, мє‰гет вучат.

А се‰ымашна тольо шергын,

Но лие сарланат мучаш.

Ныл ий шонен ава шке эргым,

Нал шинелет, мє‰гет вучат.

Сур ломыжан мемнан уремыш

Уэш, уэш, йолташ, ончал:

Вет шырчык-влак шке толын темыч,

Нал шинелет, мє‰гет вучат.

Малат фанер шўдыр йымалне,

Кумалтын курымеш шинчат,

Кынел, кынел, йолташ, погалте,

Нал шинелет, мє‰гет вучат.

Мом каласем мые ешетлан,

Вашмутым кузерак кучаш?

Те‰гечсе дене товатлаш мо?

Нал шинелет, мє‰гет вучат.

А сарлан иктєр – иза-шольо,

Кеч генерал ма, салтакшат

Уэш тўняшке шошо тольо,

Нал шинелет, мє‰гет вучат.

Кечан изи аланыште.

На солнечной поляне.

Мутшо А. Фатьяновын

Семже В. Соловьев-Седойын

Марлашке Е. Семенова кусарен

Кечан изи аланыште

Ик самырык салтак

Шокта тальян – гармонь дене

Йєратымаш нерген.

Кузе пич шокшо йўд нерген

Та‰ дене эртарен,

Кузе ош порсын шовычым

Тудлан йышт пєлеклен.

Припев:

Тый модын – модын ойло-ян,

Тальян – гармонь шкеак,

Кузе ик ўдыр шем шинчан

Колтен ушетымак.

А кече, сарыш кай(ы)шыжла,

Та‰ дечын ойырлен,

Пычкемыш йўдым ўдырлан

Шўм-чонжымак темлен.

Вашештыш ўдыр койышан,

Векат, так, лўмжылан:

«Кунам толат тый орденан,

Мутанена тунам».

Пурен салтак сар-шикш ло‰гаш,

Гармонь та‰ ден келшен,

Тушманым кредалмашыште

Медаль дене се‰ен

Толеш тора гыч вучымо

Сай серыш, чо‰ештал:

Вуча, да чылт уке гычын

Медальланат келша.

{/smscoin_key}

Просмотры: 2

Се?ымашын мурыжо

Похожие записи