Тений чолга марий ӱдыр-рвезе-влаклан поро тыланымашым, мероприятийын кӱлешлыкше нерген Марий Эл Республикын тӱвыра, печать да калык-влакын пашашт шотышто министрын алмаштышыже Г.С. Ширяева ойлыш.

Марий тӱвыра рӱдер «Марий калыкын эртыме корныжо» сӱрет конкурсым иктешлыш. Марий Элын сулло сӱретчыже И. Ямбердов да жюрин членже, чолга сӱретче С. Таныгин сеҥыше-влаклан пӧлекым да Чап Таныкым кучыктышт.

Марий модыш, почеламутым йоҥгалтарымаш погынышо-влакын кумылыштым савырен. Самырык мурызо-влак эстраде да калык мурым йоҥгалтарыме дене пайремым сӧрастареныт.

Тиде акцийым эртарыме жапыште марла ойлаш тунемаш кумылан-влак ятырынак лийыныт. Умбакыжымат тыгай сомылым эртарен шогымашын кӱлешлыкше пеш кугу. Вет кушкын толшо тукым шке йылмыж дене мутлана, почеламутым лудеш, муралта гын, марий йылмына ятыр ийлан поян лиеш, тудо нигунам огеш йом. Марий поэтын манмыжла «Марий улам, марла ойлем, кузе изам умлем мый рушым, тудат тыгак умла мутем…»

Проектын организаторжо-влак Республикысе марий тӱвыра рӱдер ден «ВийАр» тӱвыра да келшымаш кыл ушем