Самырык-влак марий сем почеш МАЙ тылзыштат куштат! УРА!

Кажне вӱргечын Марий тӱвыра рӱдер самырык-влаклан марий дискотекым эртара. Каныме касыш ятырынже Марий кугыжаныш университет гыч, колледжла гыч студент-влак, адакшым олаште илыше калыкат каналташ толыт.

Марий сем почеш кушташлан Марий тӱвыра рӱдер чыла йӧным ышта: у аппаратур, сай йӱк, тӱрлӧ тӱсан тул  залыш пурымек йомакыш логалмыла чучеш.

Тыште йолташ-влак денат кутыралташ, палыме лияшат йӧн уло. А вӱдышӧ-влакын тӱрлӧ модышлан, конкурслан кумылаҥдымышт уш-акылым писемдаш тарата, кап-кылым куштылемда.

Каныме касын тематикыжат кажне гана календарь шот дене  вашталтын толеш. Ты гана Талешке кечылан пӧлеклалте. Вӱдышӧ Л. Сидоркина викториным эртарыш, «Шукш» модыш дене модыктыш. Сеҥыше-влаклан мурпӧлекым кучыктыш. Кажне гана каныме кас моткоч пайдалын эрта. Шукышт каймышт деч ончыч Марий тӱвыра рӱдерын усталык коллектившылан таумутым каласен кодат.

Автодор тӱвыра полатыште каныме кас 4 май марте шуйна.

 

Добавить комментарий

Ваш адрес email не будет опубликован. Обязательные поля помечены *