Адрес: 424000, Республика Марий Эл, г.Йошкар-Ола, ул. Первомайская, д. 109.
Тел.: (8362) 45-88-51

Е-mail:mari-centr@mail.ru

марийский

У саска пайрем

Модшо-влак:

-Пайрем оза

-Шурно кугыза

-Шошо ӱдыр

-Шыже ӱдыр

-Илян кече

-фольклор ансамбль

  1. Фольклор ансамбль залышке мурен пура.

ф. анс. Поро кас лийже, марий касыш толшо уна-влак, родо ден пошкудо-влак!

Пайрем оза. Салам лийже чыла марий калыклан! Марий касым почмо кече дене! Саламлем тендам у саска пайрем дене! Кызыт шогалына кок оҥгыш (кӧргӧ оҥгыжо кече почеш куштен кая, тӱжвал онгыжо кече ваштареш кушталта). Музык чарнымек, икте весе дене саламлалтына (кум-ныл гана ыштена).

(Фанфар йук шокта. Шурно кугыза пура. Тудын воктен кум полышкалышыже: Шошо ӱдыр,  Шыже ӱдыр, Илян кече  улыт. Толшо-влакым   пайрем оза  кинде шинчал дене  вашлияш вашка)

Пайрем оза. Салам лийже, пагалыме Шурно кугыза, Шошо ден Шыже удыр-влак, да Илян кече! (Кинде шинчалым пурлыт)

Шурно кугыза. Поро жапда лийже, пагалыме мотор марий калыкем! Пайрем озадан йодмыж почеш каныме касышкыда толын улына! (Кидсовыш) 

Пайрем оза. Шурно кугызай, палдаре йолташет-влак дене.

Шурно кугыза. Шошо ӱдыр, тол лишкырак.

 

Шошо ӱдыр.

Шошо ӱдыр мый улам

Ломбо пуш ден ӱпшалтам .

Мланде пашам йӧратен

Лым лийде гыч тыршенам!

 

(шыже ӱдыр ойла.)

Шыже ӱдыр.

Шыже ӱдыр мый улам,

Шурно пуш ден упшалтам.

Ӱяча ден когыльет

Ӱстембалне пушланат!

        

(Илян кече ойла)

Илян  кече.

Кӧ ок пале мыйым?

Вий куатан  Илян кечым?

Кӱлеш гын йӱрым , я волгенчым,

Кӱлеш гын - чевер кечым мый колтем!

 

Шурно кугыза. Тевыс тыгай  мыйын йолташем-влак улыт.

Пайрем оза. Шурно кугыза, келшеда мо мемнан дене пырля кушталташ.

                   Морко вел куштымаш

                   Урал вел куштымаш

                   Фольклор ансамбль

                   Фольклор ансамбль

Шошо ӱдыр. Шурно кугызай, ме шошым марий калыкем дене пырля  киярым , кешырым  йошкар ушменым, кабачокым, помидорым ношмо дене мландыш шындышна.

Мый моткоч пален налнем кушкын шуыныт мо уке? Тӱрлӧ емыж ден саска?

Кӧ ойлен кертеш мылам?

Помидор лектеш.  Салам лийже, марий-влаклан.

 

Помидор йошкарге мый улам.

Изи нӧшмӧ  гыч шытен мый лектынам,

Лышташлам колтен  ужаргенам,

Кечыйол ден чеверген кечалтынам.

Озана-влак  я салатым, я томатым

Атыш петырен шындат.

Телым сылне мурым муралтен

Уна-влакыштым сийлат.

 

(Помидор мура гармонь почеш)

         Торъял сем  почеш куштымаш

         Волжский куштымаш

         Марий эстраде куштымаш

         Марий эстраде вальс

Пареҥге. Кенежым пакчаште мочол шуко сомыл: шӱк кушкеш,  кушкылыш вӱдым оптыман, мыйымат урыман, колораде копшаҥге витарыш, колем шонышым. Ой, шыже марте мыняр йӧсым чытен лектынам. Тау  Илян кечылан: жапыштыже леве йур ден чевер кечым колтыш. А кызыт мый тыгай кугу лийынам, кеч салмашке жаритлен, паритлен шолтен кочкаш йӧрем. Кочса конгаш кудалтыме паренгым (залыште паренгым, шолтымым, пуэда) А кӧлан келшен пареҥге мый ӱжам кушташ. Гармончо, шокталте сылне семым!

         Киров вел куштымаш

         Звенигово вел куштымаш

         Фольклор коллектив

         Фольклор коллектив

Илян кече. (фонограммыште кӱдырчӧ кӱдырта.)

Вӱдышӧ. Мо тыгай? Кӱдырчӧ? Илян кече, молан лӱдыктылат? Мо ыш келше?

Илян кече. Молан манат? А мыйын шонымем  те эшеат ода пале.  Тендам лӱдыктылаш огыл манын мыйын вет йӧратыме мурем-влак улыт.

Вӱдышӧ. Могайым?

Илян кече.   Мый тыланда ойлем туштен:

Йӱржӧ йӱреш- саска кушкеш,

             Кече ончалеш –шокшо лиеш

Мардеж  пуалеш – увер лиеш

             Муралтен колтеда- кумылем нӧлтеш!

Вӱдышӧ. Тугеже  «Йӱржӧ йӱреш» мурым муралтена. (чылан баян почеш муралтат. Тидын годым «Илян кече» зал мучко кугешнен коштеш. )

Илян кече.  Ну, молодец улыда. Ой кумылем нӧлтышда. А шокшырак кече шогыжо манын, мыланем эше сылнырак мурым тендан деч йоднем. «Кече лектеш ончалеш». Пӧлеклыза мыланем! (Мурат.)

Вӱдышӧ. Илян кече, кумылетым пеш нӧлтышна. Ала ынде тыят мыланна шке кумылетым ончыктет. Ала пырля мемнан ден кушталтет?

Илян кече. Пеш куштем ыле да... йолем кадыр.

Шошо ӱдыр. Илян чӱчӱ, мый тылат полшем. (коктын шогалын кушташ тӱҥалыт)

         Морко вел куштымаш

         Тошто марий куштымаш

         Урал вел марий куштымаш

         Эстраде

Шурно кугыза. Ну, игем-влак, шогалза пеленем. Тыште пеш весела, А мемнан кажнын шкенжын пашаже уло: шошо ӱдырлан шке пашажым пытарен, малаш возаш, шыже ӱдырлан – чыла тӱрлӧ саскам оролаш, Илян кечылан мландым шыматен, телылан ямдылаш. А мыланем – шокшо конгаш пураш. Чеверын, сай кодса.

Вӱдышӧ. Чеверын, уна-влак! Вес ийыште вашлиймеш ласка илышым тыланем. (Каят)        

 

Вӱдышӧ.   А ме тендан йодмыда почеш икмыняр куштымашым кушталтена.

 

                  

                           

 

 

 

 

 

 

 

100 лет Марий Эл

logo 100

съезду 100 лет

logo 100

Внимание!

Ссылки

Е-mail:mari-centr@mail.ru

марийский
Яндекс.Метрика
© 2017. Все права защищены. Правам тӱрыс аралыме.