Адрес: 424000, Республика Марий Эл, г.Йошкар-Ола, ул. Первомайская, д. 109.
Тел.: (8362) 45-88-51

Е-mail:mari-centr@mail.ru

марийский

Сценыште «Самырык тукым» баннер кеча.

Лыжган гына марий сем йоҥга.

Тӧтыретпуч пайрем тӱҥалме нерген шижтара

За кадром

Кече шырге воштылеш,

Ош лум койын вӱд лиеш.

Шырчык толын унала.

Кондыш шошым мыланна.

Вигак «Шокто гармонь» образцовый ансамбль лектеш.

Курыкмарий куштымаш

Унавий карзинка дене лектеш.

Унавий. Салам сылне шошо кечын куан кумыл дене толшо йоча-влак, поро кече ача-ава, туныктышо-влак. Мемнан уло мотор марий вургемна, уло нимучашдыме муро аршашна, оҥай да кумда эртыше корнына да йӱлана! Кугешнена ме марий икшывына дене. Тудо мемнан эрласе кечына, марий калыкнан ончыклыкшо. «Самырык тукым» ятыр мер пашаеҥ, тале журналистым, мурызым шочыктен. Ӱшанен кодына: конкурсын помышыж гыч уста да мастар икшыве-влак марий калыкнам чапландараш тӱҥалыт. А ме туныктышо, ача-ава тидлан полшаш тӱҥалына. Туге вет?

Тений «Самырык тукым» конкурс онлайн йӧн дене кок номинацийыште эртен. Марий калык модыш негызеш шындыме театр шотан ончыктымаш номинацийышке чылажге 12 паша пурен. Тиде номинацийыште сертификатым кучыкташ да «Самырык тукым» республикысе йоча усталык фестивальын участникше-влакым саламлаш Марий Эл Республикысе тӱвыра, печать да калык-влакын пашашт шотышто министрын пӧлкам вуйлатыше Садовин Игорь Геннадьевичым ӱжына.

Садовин саламла да сертификатым кучыкта

Пайрем кумылым нӧлталаш сценышке мурызо Светлана Яндуковам ӱжына.

Унавий кока лектеш юзо сем шокта Инопланетянин лектеш.

Инопланетянин. Где я? Куда я попал?

Унавий. Тый кӧ?

Инопланетянин. Я, мый Инопланетянин. Когда летел моя машина сломалась. Остановился олмыкташ машиным. А Ты кто?

Унавий. Я Унавий кока. Ты рушла гына кутырет?

Инопланетянин. Сейчас посмотрю. (ноутбукыш ончалеш) Икмыняр шомак знаю. В интернете возымо. Там яндекс переводчик уло.

Унавий. Марлаже умылет, но ме тыйым ялт марла кутыраш туныктена. Келшет? Ужат, таче мыняр йоча-влак погыненыт.

Инопланетянин. Твои слова перевел. Мый согласен. Сегодня могай пайрем?

 

Унавий. Йоча-влак, марла кутыраш туныктена вет? (зал деч йодеш)

Таче Республик кӱкшытан Самырык тукым йоча усталык конкурсын иктешлымашыже эрта. Тый интерентышкет ончал, по гугли. Мом возымо?

Инопланетянин ноутбукышкыжо ончалеш

 

Инопланетянин. Аха, ужам вижу.

Унавий. Таче тиде залыште эн уста, чолга йоча-влак погыненыт.

Конкурс кок номинаций дене эртен Марий калык модыш негызеш шындыме театр шотан ончыктымаш да шке возымо почеламут номинаций. Участникым пагалыме жюри член-влак акленыт.

Марий калык модыш негызеш шындыме театр шотан ончыктымашым акленыт:

Тиде Россий Федерацийын сулло артистше, Марий Элын калык артисткыже Маргарита Медикова, Абукаев Эмгак лӱмеш премийын лауреатше, МЭТР каналын корреспондетше Вера Горохова, филологий наука кандидат, Марий кугыжаныш университетын марий йылме да литератур кафедрын доцентше, Марий школ лабораторийын вуйлатышыже Михайлов Виталий Тимиряевич.

«Шке возымо почеламут» номинацийым акленыт

Марий Элын калык поэтше Геннадий Сабанцев-Ояр, поэтесса, Марий Эл Республик сымыктышын сулло деятельже Альбертина Иванова да Надежда Никитина.

Инопланетянин, мый тыйым марла кутыраш веле огыл марий калыкын модышыж дене палдараш тӱҥалына. Шке планетышкет кает да йолташ-влакетым модыкташ тӱҥалат.

Инопланетянин. Я келшем. А что там у тебя, в корзиночке шаҥгысек нумалат?

 

Унавий. Тиде юзо шовыч вӱдылтыш. Рончаш тӱҥалына веле.

Кока карзинка гыч шӱртӧ мундырам рончаш тӱҥалеш.

Унавий. Теве, теве рончалтеш мемнан мундыра. Сценышке Абукаев Эмгак лӱмеш премийын лауреатше, МЭТР каналын корреспондетше Вера Горохова 3-шо вер дене саламлаш ӱжына.

Саламлымаш, пӧлекым кучыктымаш

 

Мари-Турек районысо Мари-Купта тӱҥ школын тунемшыже-влак

Театрализация народной игры

Унавий. Интернетышкет ешаре.

Инопланетянин. Добавлю. Мылам оооочень келшыш.

Унавий. Таче пайрем. Сандене мурпӧлекымат ямдылен улына. Вашлийза Марий Элын сулло артисткыже Эльвира Попова.

Эльвира Попова

 

Унавий. Ужат, йоча-влак шинчен ноеныт. Ала иктаж модыш дене модыктет ыле. Вес мландыштет могай модыш дене модыда?

Инопланетянин. Чечас. Позову своих друзей.

Юзо сем шокта. Сценыш Агытан лектеш

Инопланетянин. Что то мый не понял. Кушто мои друзья инопланетяне? Ты откуда толынат?

Агытан. Мыйым ӱжын отыл мо? Йӱкым кольым да ончалаш тольым. Йоча-влакше мынярын улыт. Салам лийже йоча-влак. Ужамат тендан дене пеш весела. Могай пайремым эртареда?

Унавий. Таче Республик кӱкшытан Самырык тукым конкурсын иктешлымашыже.

 

Агытан. АААА. Пеш сай.

 

Инопланетянин. Ну ладно. Так уж быть. Ты мне поможешь поиграть йоча-влак дене.

Агытан. Ку-ка-ре-кууу. Полшем.

Унавий. Айста йоча-влак модына. Инопланенятинин мыланна шке модышышыж дене палдара.

                                             Игра с залом. Мечым кышкен модмаш

Унавий. Пеш сылне модыш. Келшыш йоча-влак? Тиде модыш дене меат модаш тӱҥалына.

 

Инопланентянин. Молодцы ребята.

Агытан. Мыланемат келшыш. Умбакыже мо кая кокай.

 

Унавий. Умбакыже мундыранам рончена. Сценышке марий калык модыш дене 3-шо верым налше ӱжына Морко районысо Унчо кыдалаш школ.

Калык модыш

 

Инопланетянин. Очень интересно. Записываю на свой ноутбук.

Унавий. Пиши, пиши. Мемнан таче йоча усталык пайрем. Могай пайрем муро дечын посна.

 

Агытан. Кукарекуу. Сценыште «Юкече» ансамбльын чолга участникше-влак Даниил ден Богдана Коротковы.

                                               Даниил ден Богдана Коротковы

 

Инопланетянин. Унавий кова, а у Вас случайно для починки моей машины одного болтика не найдется в вашем узелке?

Унавий. Чечас ончалам. Мо мыйын тушто уло. Агытанже кушко йомын кодо?

Инопланетянин. Ой, точно. Я думал мемнан почешак толеш.

 

Мундырам рончаш тӱҥалеш.

Унавий. Марий калык модыш негызеш шындыме театр шотан ончыктымаште 2-шо, 1-ше вер дене саламлаш Россий Федерацийын сулло артистше, Марий Элын калык артисткыже Маргарита Медиковам, Марий кугыжаныш университетын марий йылме да литератур кафедрын доцентше, Марий школ лабораторийын вуйлатышыже Михайлов Виталий Тимиряевичым ӱжына.

Дипломым кучыкташ

Унавий. Шернур район Лажъял кыдалаш школ сцене гыч шке модышыжым ончыктен огеш. Молан манаш гын действий уремыште кая. Ӱярня пайремым ончыктат. Тиде видеом Марий тӱвыра рӱдерын сайтыштыже да вконтате группыштыжо ончен кертыда. Сценыште У Торъял районысо Кузнеч тӱҥ школын тунемшыже-влак

Инопланетянин нимом ышташ ӧрын кока почеш кая.

Модышым ончыктымаш

Инопланетянин. Унавий кова, ты меня ондалышыч. Тый дечет болтик спросил, а ты с марийской народной игрой стала знакомить.

Унавий. Марий калык модыш дене палаш кодынат гын, чыталте. Тӧрлена тыйын машинет. Мемнан дене весела огыл мо?

Инопланетянин. шӱлыкан. Весела да. Мыйым вет дома ждут.

Унавий. Сеҥыше-влакым саламлаш сценышке «Онар» куштышо йоча ансамбль Эрвел марий куштымаш дене вашкат.

Инопланетянин. Шокшо кид совышда.

«Онар» куштышо йоча ансамбль

 

Унавий. Йоча-влакым эше ик модыш дене модыкто. Шинчен ноеныт.

Инопланетянин. Йоча-влак, поиграем?

Унавий. Агытан, агытан манам! Кушто улат?

Агытан. Тыштак улам Унавий кокай. Йоча-влакым куанен ончен коштам.

Унавий. Айда йоча-влакым модыктена.

Агытан модыкташ тӱҥалеш.

Инопланетянин. Молодцы йоча-влак. Мыланем келша тендан дене пырля модаш.

Унавий. (залыште шинчыше-влак деч йодеш) Йоча-влак, колыда. Мемнан инопланитянинна чылт марла кутыраш тӱҥалын.

Агытан. Вот это здорово!!

Унавий кова. Ынде тыят рушла кутыраш тӱҥальыч мо

Агытан. Куанымем дене ойлен колтышым коеш.

                                                         

Унавий. Юзо мундырам умбакыже рончена. Шке возымо почеламут номинацийыште сеҥыше-влакым палемдаш Марий Элын калык поэтше Геннадий Сабанцев-Оярым ӱжына.

Жюри-влакын мутышт

Саламлымаш-влак

 

Унавий. Почеламутым лудаш Кужэҥер район Шӱдымарий школ гыч Горинов Даниилым ӱжына.

Унавий. Сеҥыше-влак лӱмеш Марий Элын калык артисткыже Светлана Осипова сылне мурыжым пӧлекла.

Светлана Осипова мура

Унавий. Мыйын мундырам шкеак рончалтеш. Ончалшаш мо лийын кайыш. ончалеш. Республикысе марий тӱвыра рӱдер Российысе тӱвыра пашаеҥ-влакын кечышт вашеш «Национальные праздники» лӱман конкурсым эртарен. Тиде конкурсышто сеҥышымат палемдаш тӱҥалына.

Инопланетянин. Марий Эл Республикын Кугыжаныш погынын депутатше, Республикысе марий тӱвыра рӱдер вуйлатыше Пушкина Наталья Васильевнам

Ӱжына.

Сеҥыше-влакым палемдымаш

Саламлымаш

Агытан. Унавий ковай, мундыратым рончал. Мо дене шӱртӧ мундырат куандараш тӱҥалеш.

Унавий. Рончалт, рончалт юзо шӱртем. Могай пӧлекым тый кондет.

Теве, йоча-влакым саламлаш Володя Матвеев толын

Володя Матвеев

Унавий. Агытан, мемнан дек вес сандалык гыч толшо еҥет шке машинажым ачален шуктыш коеш.

Агытан. Шуктен ала-мо. Теве шкежат толеш. (Инопланетянин пура).

 

Инопланетянин. Унавий, йоча-влак, машинамым ачален шуктышым. Мӧҥгем чоҥешташ жап толын шуын. Пеш кугу тау тыланда. Тендан дене пырля чылт марла кутыраш тунемым, марий калык модышым пален нальым. Тиде модыш дене вес сандалыкыштат модаш тӱҥалына.

Унавий. Ала от чоҥеште ыле. Ме эше шуко мом ончыктен кертына. Йоча-влак, колтена мо? (зал деч йодаш)

Агытан. Ала мыйым пеленет налат ыле?

Унавий. Нигушкат от кае. Шкенан мландыште кӱлат.

Чеверласыме деч ончыч «Онар» куштышо йоча ансамбльын мастарлыкшым терген ончо.

Инопланетянин. Ончалына. Вашлийза «Онар» куштышо йоча ансамбль.

«Онар» куштышо йоча ансамбль Шернур куштымаш

Унавий. Тыгеракын мемнан пайремна мучашке лишеме.

Агытан. Вес гана вашлиймешке чеверын манына.

 

Инопланетянин. Аралыза, пагалыза, тунемза шочмо йылмым. Чеверын.

Унавий. Айста чыланат тӱшка фотографийым ыштена!

Надежда Николаева, Марий тӱвыра рӱдерын тӱвыра да тӱшка паша пӧлкан методистше.

Ссылки

Е-mail:mari-centr@mail.ru

марийский
Яндекс.Метрика
© 2021 ГБУК РМЭ "Республиканский Центр марийской культуры". Все права защищены.
Joomla! - бесплатное программное обеспечение, распространяемое по лицензии GNU General Public License.