Адрес: 424000, Республика Марий Эл, г.Йошкар-Ола, ул. Первомайская, д. 109.
Тел.: (8362) 45-88-51

Е-mail:mari-centr@mail.ru

марийский

Марий муро-влак йоҥгат.

Тӧтыретпуч пайрем тӱҥалме нерген шижтара.

Сылне сем почеш Алина Егошина лектеш.

Алина. Поро жапда лийже Республик кӱкшытан «Марий патыр» конкурсыш ушнышо пагалыме уна-влак. Икымше гана Марий Талешке кечылан «Марий патыр» конкурс эртаралтеш.

Йорга сем йоҥга. Сценыш тайра койышан Вера лектеш.

Вера. Поро кече.

Алина. Салам.

Вера. Алина, тачысе «Марий патыр» конкурсым шкет вӱдаш шонен пыштенат мо?

Алина. Шкетынак. Пыльдыри койышан ӱдырлан тыште нимом ышташ. Тиде залышке патыр, чолга, марий рвезе-влак шке мастарлыкшым ончыкташ толыныт.

Вера. Верне мо? Тынар ий качым кычалам. Марлан каяш кӱлеш. Ик качат мыйым марлан огеш нал. Алина, айда тиде конкурсым коктын вӱдена. Ончалам кудо качыжлан марлан каяш лиеш.

Алина. Йолташ-влак (заллан ойла), Вера деч утлаш огеш лий. Кушко ом кай. Эре почешем толеш.

Вера, келшем. Код. Вӱдена.

Вера. Ой, пасибе, тау. (шкенжым тӧрлаш тӱҥалеш)

Алина. Шуко кутыраш огына тӱҥалам конкурснам тӱҥалаш кӱлеш.

Вера. Республик кӱкшытан «Марий патыр» конкурсым почаш сценышке Марий Эл Республикын кугыжаныш погын депутатше, Республикысе марий тӱвыра рӱдерын вуйлашыжым Наталья Васильевна Пушкинам,

«Российысе марий-влакын калыкле-тӱвыра федерал автономийышт» Мер ушемын Советшым вуйлатыше, Россий президент пеленсе калык-влакын пашашт шотышто Советын йыжъеҥже Яковлева Лариса Николаевнам ӱжына.

Алина. Конкурсант-влакнам пагалыме жюри аклаш тӱҥалеш:

Марий Эл Республикын кугыжаныш погын депутатше, Республикысе марий тӱвыра рудерын вуйлашыжым Наталья Васильевна Пушкина;

«Российысе марий-влакын калыкле-тӱвыра федерал автономийышт» Мер ушемын Советшым вуйлатыше, Россий президент пеленсе калык-влакын пашашт шотышто Советын йыжъеҥже Яковлева Лариса Николаевна;

Олык Ипай лӱмеш кугыжаныш премийын лауреатше Светлана Яндукова;

Марий Эл радион вӱдышыжӧ, 2019-ше ийыште Ӱдырсий конкурсышто "Пампалче", "Саскавий" номинацийлаште да "Интернет йуклымаште" сеҥыше Виктория Мамаева;

ГТРК Марий Эл телеканалын вӱдышыжӧ, мурызо Людмила Федорова.

Вера. Мотор, патыр рвезе-влакым ужмем шуэш. Айда ындыже ӱжына.

Алина. Вера, чылажат шке жапыштыже. Жюри член-влак дене палыме лийна. Ынде марий патыр-влак дене палыме лияш жап толын шуын.

Вера.

Гайниев Валентин Ирекович, Татарстан Республик. Книгам лудаш йӧрата. Олаште йӱдым яндар юж дене шӱлаш йӧрата. Ешын тукымжым шымла.

Мартынов Анатолий Григорьевич – Звенигово районысо Сидельниково тӱвыра пӧртын вуйлатышыже. Шочмо кундемжын йӱлажым, эртыкшым шымла. «Юл сем» фольклор ансамбльын вуйлатышыже.

Капитонов Руслан Валерьевич – Курыкмарипй районысо Шындыръял гыч. Чуваш кугыжаныш мурышо да куштышо академический ансасмбльын участникше. Руш, курыкмарий, чуваш, татар, итальян йылме-влак денем уро-влакым устан мура. Шындыръял тӱвыра пӧртын «Шындыр» вокал ансамбльын да Капитонов еш ансамбльын солистше. «Мыры», «Ший памаш» конкурслаште шке вийжым терген.

Савинов Сергей Алексеевич – Волжский район, Карай ял гыч. Волжский индустриальный технологический техникумышто шинчымашым пога. Карай тӱвыра пӧртын «Шийгорно» фольклор ансамбльын участникше. Мурым воза, гармонь дене талын шокташ мастар.

Гаврилов Александр Юрьевич – Волжский район Пӧтъял ялын чолга эргыже. Казаньысе Домостроительный комбинатыште пашам ышта. Марий эстраде аланыште шкенжым терга. Ме тудым ЧУБАЙС семын палена. Музыко, спорт деке шӱман.

Веденькин Дмитрий Алексеевич - Совет ушем герой Яналов лӱмеш 1-ше №-ан Шернур школын тунемшыже. Музыко, журналистика, поэзий, блогер, аниматор улмыж дене ойыртемалтеш. Интернет лаштыклаште тӱрлӧ конкурс-влакым эртара.

Рябинин Максим Владимирович – Йошкар-Оласе 19-ше №-ан школын тунемшыже. Кушташ йӧрата. Ешартыш шинчымашым 6-шо №-ан йоча сымыктыш школышто хореографий дене налеш. Чолга марий рвезе.

Иванов Данил Серафимович – Морко район, Унчо кыдалаш школын тунемшыже. Мураш-кушташ, кол кучаш, футболл дене модмаш йöрата, машинам коллекционирует

Сем йоҥга

Участник-влак иктын иктын лектын. Мучашлан общий проходкым кругышто ыштат да каят.

Алина. Икымше конкурснам тӱҥалына. Визитная карточка. Мый- марий рвезе улам!

Вера. Икымше шӧрава почеш:

Гайниев Валентин Ирекович

Мартынов Анатолий Григорьевич

Капитонов Руслан Валерьевич

Савинов Сергей Алексеевич

Гаврилов Александр Юрьевич

Веденькин Дмитрий Алексеевич

Рябинин Максим Владимирович

Иванов Данила Серафимович

Вера. Алина, тыгай чааапле рвезе-влак улыт.

Алина. Кӧ келшыш? Кызытак вӱден ит кай. Конкурс мучашлалтмым вучо.

Вера. Йора. Чытем, чытем. Ала иктым огыл, кок качымарим вӱдалтен наҥгаем.

Алина. Кокымшо конкурс. Мӧҥгысӧ паша.

Вера. Икымше:

Гайниев Валентин Ирекович «Пошкырт кундемыште армий радамыш ужатымаш»

Мартынов Анатолий Григорьевич «Сидельниково ялыште кузе кызыт салтакыш ужатат»

Капитонов Руслан Валерьевич «Армийыш ужатымаш»

Савинов Сергей Алексеевич «Ӱдыр йӱктымаш»

Гаврилов Александр Юрьевич «Кас шинчымаш»

Веденькин Дмитрий Алексеевич. «Армийыш ужатымаш» йӱла

Рябинин Максим Владимирович «Сӱаныште савушын рольжо»

Иванов Данил Серафимович «Пöртым чоҥымо годсо йÿла-влак»

Алина. Теве тыгай творческий шӱлышан улыт патыр-влак.

Вера. Мылам сӱан нерген йӱла келшыш. Мыйымат тыгай йӱла дене марлан налыт гын тореш ом лий ыле.

Алина. Вера, мемнан рвезе-влак мурен-куштен гына огыл, эше патыр улыт.

Вера. Алина, терген ончаш уто огыл ыле. Вет марий патыр-влак чолга, ушан да патыр улыт.

Алина. Приседанийым ыштена. Ик минут жапыште мыняр гана приседанийым ыштат. (секумендер чӱкталтеш).

Вера. Эн ончыч Гайниев Валентин ден Мартынов Анатолий

Рябинин Максим ден Веденькин Дмитрий

Савинов Сергей ден Иванов Данил

Капитонов Руслан ден Гаврилов Александр

Вера. Мылам качыже патыр, мурен-коштен моштышо гына огыл. Эше ушан кӱлеш.

Алина. Мемнан тыгай конкурсат уло. Марий патыр-влакнан уш-акылыштым тергена. Кузе марий этнографийым палат.

Вера. Патыр-влакым чылаштым лекташ ӱжына.

Рвезе-влак сценыш лектыт

Йодыш-влакым пуэдымаш

Вера. Ооооййй чаааапле улыт мемнан патыр-влак. Мый шканем ойырышым, кӧлан марлан каем.

Алина. Мемнан жюри член-влакым иктешлымашым ышташ колтена.

Вера.

Республик кӱкшытан «Марий патыр» конкурсым эртараш «Супер 8» кинотеатрлан, «Казанский посад» чоҥышо компаний полшеныт. Нунылан тау мутым ойлена.

О.Ипай лӱмеш кугыжаныш премийын лауреатше Светлана Яндукова

Геннадий Григорьев

Эльвира Петрова

Алина. Жюрилан мутым пуэна.

Вера. Мут жюрилан пуалтеш.

Алина. Вера, могай качыжым ойырен нальыч вара?

Вера. Теве, тиде рвезе чооотааак келшыш. (ойырымо рвезын лӱмжым каласа).

Алина. Тидын дене мемнан конкурсна мучашке лишеме.

Вера. Ӱшанен кодына тиде пытартыш конкурс огыл. Пайрем дене, Марий талешке кече дене.

Тӱшка фотографийым ыштымаш.

Надежда Николаева, Марий тӱвыра рӱдерын тӱүыра да тӱшка паша пӧлкан методистше.

Ссылки

Е-mail:mari-centr@mail.ru

марийский
Яндекс.Метрика
© 2021 ГБУК РМЭ "Республиканский Центр марийской культуры". Все права защищены.
Joomla! - бесплатное программное обеспечение, распространяемое по лицензии GNU General Public License.