Адрес: 424000, Республика Марий Эл, г.Йошкар-Ола, ул. Первомайская, д. 109.
Тел.: (8362) 45-88-51

Е-mail:mari-centr@mail.ru

марийский

Весела йоча муро сем-влак йонгат. Йоча-влак пайрем залыш погынат. Волонтёр-влак икшыве-влакым кок онгыш поген шогалтат. Тőтрőт пуч йонгалтеш. Весела сем почеш Агытан куржын лектеш.

Агытан.

(Вуйжым кȳшкő нőлталын. Шулдыржым пералтен,шке йыржым нигőмат ужде):

Куареку-у-у-у-у! Куареку-у-у-у-у! Куареку-у-у-у-у!

Кенеж, кенеж толын шуын! Куареку-у-у-у-у!

Пеленже йоча-влаклан пайремым конден. Куареку-у-у-у-у!

Йоча-влакым ужеш. Őрмалген шогалеш.

Агытан.

Ой, мыняр шукын улыда, те пайремыш толынды?

Йоча-влак.

Да!

Агытан.

Айста палыме лийына. Кузе лȳмда?,- манын йодам ,

те каждыже,- Мыйын лȳмем… манын шке лȳмдам каласеда.

1,2,3 …Кузе лȳмда?

Чылан.

Мыйын лȳмем…

Агытан.

А мыйын лȳмем Мурызо Агытан куарекку-у-у-у! Салам лийже чылалан!

Агытан.

Кумылда весела?

Йоча-влак.

Да!

Агытан.

Тугеже гын, пайремнам тȳналына гына да весела сем почеш кушталтена!

(Пайремыш толшо – влак весела марий сем почеш куштат:Медведево вел(1мин.), Курыкмарий вел(1 мин.), Шернур вел (1 мин.) сем-влак йонгат).

Агытан.(куштымо годым да куштен пытарымеке).

Ой, мастар, ну, мастар улыда ве-е-е-т!..

Куареку-у-у-у, куарекку-у-у-у!!!

Чыландамат Кеҥеж аланыш,

Кеҥеж деке унала ȳжам!

Йоча-влак кокла гыч шȳкедыл, шȳкедыл Тарля лектеш.

Тарля.

Кушко, кушко мый дечем посна тарваненат, Мурызо Агытан?

Теве Окси ковамлан каласем, тыманмеш тыйым тамле шȳрыш савыра. Вот!!!

Агытан (őрмалгенрак).

Ой,Тарля мален кынельыч мо?! Шȳргетшым мушкыч?!

Тарля.

А мо (чурийончышыш ончен) чыла сай, чыла месташтыже. Мый ничего … Мотор, мотор улам!

Агытан.

Тидыже тыге, Тарля. Но тачысе пайремышке толшо ȳдыр ден рвезе –влак ий мучко мотко-о-о оч тыршен пашам ыштеныт.

Тарля. А мо… мыйят тыршенам: маленам, кочкынам, куштенам, муренам, модынам, ну, тунемынамат…

Агытан.

Ну, тугеже гын, Тарля, каласе мыланна, мыняр лиеш 7 гана 7

Тарля.

17 –шымыт.

Агытан.

Йоча-влак, мыняре?

Йоча –влак.

49-ше!

Агытан.

А мыняр лиеш 6 гана 6 –ыт?

Тарля.

Мыняр, мыняр…16 –ыт!

Агытан.

Йоча-влак, мыняре?

Йоча –влак.

36-дыт!

Агытан.

Эх, Тарля, Тарля!

Тарля.

А мый, а мый, а мый куштен моштем… Маэстро… иностранный се-е-емым. Чечас ончалына, кузе куштен моштат тыйы чапле йоча-влакет…Аха, ончалына, ончалына …

(Тарля кушташ тȳналеш, йоча-влак ушнат)

Тарля.

Агытан, чынак, моткоч кертытыс йоча-влакет!..

Агытан.

Мастар, мастр улыт! Тыйжат ничего, Тарля. Пеш кертат!

А таблица умноженийетым тунем.

Йоча-влак, Тарлям пырля налына?

Йоча –влак.

Налына!

Тарля.(йывыртен)

Ух-ху-ху!!! Мыйят тендан дене пырля! А таблице умноженийетым обязательно, обязательно тунемам…

Весела сем йоҥга. Залыш «Смурфтики» мультфильм гыч: Смурф, Смурфета, почешышт Гаргамель, куржын лектыт.

Агытан.

Ой, ой, ой-о-о-о-ой! Тидыже кӧ тыгай, кӧ, кӧ тыгай улыт!

Тарля.

Тидыже, тдыже-е-е-е мыйын йӧратыме «Смурфтики» мультфильм гыч Смурф, Смурфета!!! Да Гаргам-е-е-ель! (кидым пералтен саламлатеш) Йоча-влак, те тиде мультфильмым паледа? Тыланда келша?

Йоча – влак.

Да!

Гаргамель.

Тарля, те кушко тыге тарваненда?

Тарля.

Кенеж деке унала. Тыге вет, йоча -влак?

Тыге, Мурызо Агытан?

Мурызо Агытан.

Тыге,тыге, кукареку-у-у-у!

Смурф, Смурфета.

Ура-а-а!!! А ме тыланда корным ончыктена!

Гаргамель.

Мо-о-о-о? Ах, те адыкат мыйын ваштареш. Тыят, Тарля, Кеҥеж деке кает?

Тарля.

Кузе ом кай, обязательно каем. Таблице умноженийымат тунемам. Вот.

Гаргамель.

Предатель! Ох, мый тыланда тыгай пайремым ыштем! Нимогай Кеҥежым огыда уж. Кеҥеж уке -пайрем тютю- уке!

Смурф.

Гаргамель, а тый мемнан кумылым волтен от сеҥе.

Смурфета.

Пайремнамат локтыл от керт. Ме шукын улына. Тӱшкаште-вий! Тыге вет, йоча-влак!? Тыге?

Йоча – влак.

Тыге, тыге!

Гаргамель.

Ида моктане, мокшда шелеш!   (лектын куржеш)

Смурф.

Курж, курж, а ме йоча-влак дене корныш тарванена – Кеҥеж аланыш!

Тушко ме поезд дене каена.Садлан, ме чыланат билетым налына.

«Билет-влак» модыш эртаралтеш

Мотор кок оҥгым ыштена.Кőргő оҥго –билет-влак улыда, а тȳжвал оҥго- пассажир-влак , мераҥ - онго покшелне шога, билет деч посна - зайчик! Сем йоҥгаш тȳналеш. Билет-влак пурла могырыш пőрдыт,а пассажир-влак шола могырыш. Сем йоҥгымым чарна билет-влак месташтышт шогат, пассажир-влак келшыше   билетым налыт, Мераҥ-зайчик шкланже келшыше билетым налеш. Пар деч посна кодшо еҥ - мераҥ – зайчик лиеш.

Тарля.

А мераҥ…мераҥ мый лийям! (Мераҥ вуй маскым вуйышкыжо чия).

Смурф.

Кайышна!(кок гана модыт)

Смурфета.

Чыланат билетым налынна. Поездыш шинчына, да Кеҥеж аланыш кудалына.

Сем почеш поезд каймым ончыктен каят

Смурф.

Тутту-уут! Остановко – куштыымаш алан. Тиде аланыште эре весела сем йоҥга ыле .

Смурфета.

Сем уке!.. Тиде товатат Гаргамельын пашаже.

(Гаргамельын воштылмо йȳкшő шокта)

Тидым тőрлаташ кȳлеш.

Мурызо Агытан, муралтыян, кугу йȳкет дене. Тек весела сем йоҥгалтеш -куштымаш алан помжалтеш. А ме чылан полшена, тыге вет, йоча-влак! Полшена?

Йоча-влак.

Полшена!

Агытан (3гана)

Кукареку-у-у-у! Кукареку-у-у-у!

Кукареку-у-у-у!

Сем йоҥгалтеш, йоча-влак Смурфын ойлымыжо почеш тȳрлő движенийым ыштат.

Смурф.

Оҥго йыр сем почеш ошкылына, ошкылына, ошкылына.

«Мланде»- лап лийына, эркын ошкылына, ошкылына, ошкылына.

«Кава» - кидым кȳшкő нőлталына ошкылына, ошкылына, ошкылына.

«Юж» –кидым őрдыжкő ыштена ошкылына, ошкылына, ошкылына.

Тыге 3 гана модыт вара весела куштымо сем йоҥгалтеш .

Тарля.

Ура-а-а! Кертна, кертан, Агытан . Тау,тау, Смурфик-влак !

Айста кушталтена чылан пырля!

Йоча-влак, тыланда келшыш Куштымаш алан?

Йоча-влак.

Да!

Лӱдыкше сем йонга. Гаргамель пура.

Гаргамель.

Ах, ȳчызő мари   Смурфик-влак. Те шонышда чыла чаракым эртышда? Ончылно тендам эше кугу чарак вуча. Ончалам, кузе тудым сеҥен лектыда….ха-ха-ха,

Зал гыч куржын лектеш.

Смурф.

Курж, курж! Ме шукын улына, чыла чаракым сеҥен летына.Туге вет, йоча-влак?

Туге?

Йоча-влак.

Туге!

Тарля

Смурф, мо дене вес аланышкыже каен?

Смурф.

Самолёт ден!

Тарля

Ой, мый моткоч йőратем самолёт дене чоҥештылаш. Йоча-влак, чылан самолётыш! Мый лётчик лийям. Смурф, кушко чоҥешташ?

Смурф.

«Пőлек аланыш»!

Тарля

Чоҥештышна! Киднам шаралтена-чоҥештена, чоҥештена, чоҥештена.

Ой, кугу курык – кȳшкő чоҥештена, чоҥештена, чоҥештена.

Ваштареш шем пыл-пурлашке савырнен чоҥештена, чоҥештена, чоҥештена.

А ынде шолашке савырнен чонештена, чонештена, чонештена.

Кȳдрчан пыл логаш логална, ох чытрыкта - чоҥештена, чоҥештена, чоҥештена.

А ынде ȳлыкрак, ȳлыкрак, волена, чоҥештена, чоҥештена, чоҥештена.

Вот и толын шуынна.Молодец улына!!! А кушто пőлек? Уке?!

Смурфета.

А вет тиде, Гаргамельын пашаже

Смурф.

Нимат огыл, Смурфета. Мый ямдыленам пőлекым.Чылалан сита.

Смурф шар аршашым луктеш.

Чыланат «Пőлеклем» модыш дене модаш тȳналына.

Тȳжвал оҥгышто улшо ȳдыр дене рвезе – влак Мурызо агытан почеш ик линийышке пурла могырышко шогалыт, Тарля ик линийышке шола могырышко кőргő оҥгышто улшо йоча-влакым шогалта.

Агытан.

Тȳжвал оҥгышто шогышо, йоча-влак, мыйын почешем пурла могырыш шогалза!

Тарля.

Кőргő оҥгышто улшо йоча-влак, мыйын почешем шола могырыш шогалза!

Смурф.

Сем тȳҥалеш шарым Агытанын командыже Тарлян командыжлан кудалта , Тарлян командыже –Агытанын командыжлан. Ик жапыште да каласт - Пőлеклем! Тыге модына сем пытымеш.Сем пыта шотлена кőн мыняр пőлек погынен.

Смурфета.

1,2,3 – модаш тȳналына!

Смурф.

Молодец улыда, йоча-влак. Гаргамельын эше ик чаракшым эртышна! Ура!

Лȳдыкшő сем йонга. Гаргамель пура.

Гаргамель.

Мо-о-о? Те тиде чаракымат эртышта? Кузе кертда? Кушто   пőлекшым муында ? Чыла пелен налынам ыльыс…

Тарля.

Гаргамель, молан тыгай осал да шыде улат?

Агытан.

Молан тыгай ȳчызő улат?

Гаргамель.

Молан, молан? Да мыйын нигунамат йолташем лийын огыл, нигунамт нигőат пőлекым ыштен огыл.

Смурф.

А ме йоча-влак дене тыйын йолташет лийына гын?..

Смурфета.

Тыгай осал от лий?

Гаргамель.

Тиде чы-ы-ын?! Чынак те мыйын йолташем лийыда?! Те мыланем ида сыре. Проститлыза мыйым.

Смурфета.

Конечно, проститлена. Тыге вет, йоча-влак? Проститлена?

Тый тольык Кеҥеж дене вашлийаш полшо.

Гаргамель.

Полшем, обязательно полшем. Но тольык тидым мый шкет ыштен ом сеҥе Мыланем полшаш кȳлеш. Айста чылан пырля «Келшымаш» куштымашым   кушталтена.

Сем йонга, чылан куштат.

     Кеҥеж.

Салам лийже, ȳдыр дене рвезе – влак!

Адакат угыч темдан деке толынам

Чевер кечым, пеледышан олыкым конденам.

Чыландамат пайрем дене саламлем

Пенгыде тазалыкым тыланем.

Да пырля, рȳжгő ик модыш модаш ȳжам

Мотор кугу онгым ыштена да модаш тȳналына

Весела сем почеш «Ончыко ныл ошкыл» модыш дене модыт

Кеҥеж.

Пеш кертыда! Моткоч чулым улыда!

Пайремда лȳмеш мыят пőлекым ямдыленам.

Чыландам пайрем концертыш ȳжам.

Пайрем кумылда лийже

Канышда – лыжга да весела

Пайрем дене!

Кайышна концерт ончаш.

Икшыве –влак ныжылге сем почеш,   залыш концертым ончаш пурат.

Людмила Кошкина, Марий тӱвыра рӱдерын тӱвыра да тӱшка паша пӧлкан вуйлатышыже.

Ссылки

Е-mail:mari-centr@mail.ru

марийский
Яндекс.Метрика
© 2021 ГБУК РМЭ "Республиканский Центр марийской культуры". Все права защищены.
Joomla! - бесплатное программное обеспечение, распространяемое по лицензии GNU General Public License.