Адрес: 424000, Республика Марий Эл, г.Йошкар-Ола, ул. Первомайская, д. 109.
Тел.: (8362) 45-88-51

Е-mail:mari-centr@mail.ru

марийский

Йоча-влаклан марий йылмым туныктымаште у йӧным кучылаш кӱлмым Марий тӱвыра рӱдерын пашаеҥже-влак поснак умылат. Шукерте огыл нуно марий аудиокнигам, марий йылме дене видеоурок-влакым ямдылаш тӱҥалыныт. Кызытеш М.Шкетанын. В.Абукаев-Эмгакын, И.Одарын, А.Мичурин-Азмекейын, С.Чавайнын, М.Ушакован, Н.Егоровын, В.Колумбын, Г.Матюковскийын икмыняр призведенийыштым аудиоформатыш савырыме.

- Тиде пашам шке кумылын ыштена. Марий сылнымутым калык коклашке шарынена. Тӧрген кайыше илышыште лудаш жапым йӧршын от му, а тыге паша коклаште йӧратыме повестьым але романым колышташ йӧн уло. Тыгак йоча-шамычланат аудиокнигам колышташ йӧнанрак. Нуным вет ик верыш шынден колыштыкташ нелырак, а тыге иканаште модын да колыштын кертыт. Школлаштат, поснак Марий Эл деч ӧрдыжтӧ илыше марий-влаклан тиде пашана кугу пайдам конда манын ӱшанена. Мыланна республикысе тӱвыра, печать да калык-влакын пашашт шотышто министрын алмаштышыже Александр Иванов, театр-влакын артистышт, моло лӱмлӧ еҥат полшеныт, - палдарыш Марий тӱвыра рӱдерын директоржо Наталья Пушкина.

Аудиокнига-влакым М.Шкетан лӱмеш кугыжаныш драмтеатрын артистше-влак А.Бирюков, С.Строганова, А.Юнусов, Йоча да самырык-влаклан театр-рӱдерын актёржо И.Актуганов, поэт Г.Сабанцев, Марий тӱвыра рӱдер вуйлатыше Н.Пушкина, ончычсо радиовӱдышӧ В.Протасов лудыт.

- Йӱкым яра жапна улмо гдым МарНИИЯЛИ-ште пыштена. Тушто мыланна Андрей Чемышев, Надежда Тимофеева полшат. Тыгак шукерте огыл марий йылме дене видеоуроклам ямдыленна. Таче кечылан 10 урок уло. Ты программым Йошкар-Оласе 14-ше №-ан гимназийын туныктышыжо Раисия Шабдарова ямдылен. Тудак видеоурокым эртара. Кугу таум оператор Алексей Малюталан, монтажын режиссержо Павел Ермолаевлан, редактор Людмила Кошкиналан каласена. Ты проектна умбакыжат илаш, вияҥаш да калыклан пайдам кондаш тӱҥалеш манын ӱшанена, - мане Наталья Васильевна.

Марий аудиокнига-влакым, марий йылме дене видеоуроклам «Вконтакте» соцкылыште «Марий тӱвыра рӱдер» тӱшкаште муаш лиеш.

Л.Шабдарова, «Марий Эл» газет, 2017 ий 19 август, 60 №.

100 лет Марий Эл

logo 100

съезду 100 лет

logo 100

Внимание!

Ссылки

Е-mail:mari-centr@mail.ru

марийский
Яндекс.Метрика
© 2017. Все права защищены. Правам тӱрыс аралыме.