Настройки отображения
Параметры шрифта:
Выберите шрифт Arial Times New Roman
Интервал между символами (кернинг): Стандартный Средний Большой
Выбор цветовой схемы:
Пÿртÿс ылыжын, товатат ылыжын
Кажне калыкын вияҥме, кушкын толмо корныжо уло. Вожна икте гынат, йÿлаже, ойпогыжо, тÿвыраже, тÿня умылымашыже, лач тудлан веле келшыше ойыртемалтше сынже уло.
Йӱла. Тошто годсо йÿла. Могай шонымаш дене ожнысо калык тудым шуктен? Теве тыгай йодышым рашемдаш вўдшор тылзын 15-ше кечынже марий калык Унчышко погынен. Тыште идалыкын ик эн кугу пайремже – Кугече пайрем радамжым ужын умылен налаш йӧн лийын.
Унчо – финн-угор тӱнян Тӱвыра рӱдолаже
7-10 апрельыште Эстонийыште, Обиница селаште, финн-угор ял-влакын II форумышт эртен. Тушто 2019 ийысе финн-угор тӱнян Тӱвыра рӱдолажым сайлыме.
Ешын поянлыкше да тукымвож серлагышыже нерген конференций каласкала
«XXI курым тӱҥалтыште ешын поянлыкше да тукымвож серлагышыже». Тыгай лӱм дене краевед конференций лиеш. Тудо 26 апрельыште МарНИИ-н конференц-залыштыже эрта. Тудым эртарыме ик тӱҥ амал семын кызытсе самырык тукымым патриотизм шӱлышеш шуарымым, шке тукымын эртыкшым шымлымым, шочмо ялым да кундемым пагалыме кумылеш куштымым палемдыман.
Геннадий Сабанцевын тутло лӱмгечыже
9 апрельыште В.М.Васильев лӱмеш МарНИИ-н конференц-залыштыже серызе да журналист, Марий Элын калык поэтше Геннадий Сабанцевын 60 ияш лӱмгечыжлан пӧлеклалтше вашлиймаш кас эртен.
Юбилей дене!
Таче, вӱдшор тылзын 8-ше кечынже, шке лӱмгечыжым Кужэҥер кундемын йӧратыме да пагалыме эргыже, талантан поэт, журналист, кусарыше Геннадий Сабанцев-Ояр палемда! Тудлан таче 60 ий темын! Шагалжат, шукыжат огыл, а содыки илыш курымын ик пелыже.
Мо тиде тыгай пӧръеҥлан 60 ий? А тудо лачак саска шочыктышо, пеҥгыде олмапу гай, кушто кажне саскаже – тиде эртыше ий-влак – тендан сулен налме поянлык. Кажне чевер олмаже – тыланда перегыме суапак. Иктыже – йӧнештыш, весыже – сеҥымаш. Молыжо – тазалык, мунлык, шынык, вий. Тек илыш тыланда, Геннадий Леонидович, кажне ийын эше шукырак саскам пӧлекла. А ийым ида шотло, тудо толеш да кая, а тендан чон тугаяк самырык кодеш! Саламлымаш дене Республикысе марий тӱвыра рӱдер!
