Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

Мутшо калыкын,

семже палыдыме авторын

1.Куэ вует, кудырет, пеледыш вӱдварат

Тодылалтын возеш шонет мо?

Тые кай(ы)шыч тораш, шкетын коды милаш,

Весылан ом йӧрӧ шонет мо?

2.Икыт-кокыт куэ, шӱдӧ коло лышташ,

Лышташыже лиеш ший окса.

Тыят мӱндыр улат, мыят мӱндыр улам,

Письмам веле колтен илаш сай.

3.Вуйышкемже пидам ош йолван шовычым,

Ший шергашым чием парняшкем.

Ош мотор ончылнем, шем мотор шеҥгелнем,

Тыйже веле улат чоныштем.

4.Тошкем корно пелен шындальым куэжым,

Куэ вӱдшым тамлаш ыш логал.

Вашлийын тый денет, келшальым тый денет,

Пеленетше лияш ыш логал.

5.Куэ вует, кудырет, пеледыш вӱдварат

Тодылалтын возеш шонет мо?

Тые кай(ы)шыч тораш, шкетын коды милаш,

Весылан ом йӧрӧ шонет мо?

Мут да семже Л. Платунован.

1.Ночко шыжым але мотор шошым,

Але сылне чевер кеҥежеш,

Але телым пораналтын ошын,

Шочмо кечет тыйын логалеш.

Уна-влакет порынрак ончалын,

Подыл колто иктӧр мўй пурам,

Шочмо кечет кондыжо пиалым,

Тыланет мый Юмо деч йодам.

 

Припев:

            Шочмо кече, тыйын шочмо кече.

Шочмо кече тиде сай пайрем.

Шочмо кечын тыланетше лўмын,

Йоҥгалтеш пӧлеклан ты мурем.

 

2.Таче пайреметлан погыненыт,

Вучымо да шергакан унат.

Уло чон ден пєлеклаш конденыт.

Шўм-чон дене саламлаш шонат.

Шергылтеш ял мучко пайрем муро,

Гармонет эр марте куштыкта.

Тау веле тыгай пайрем уло.

Шўм-чонеш куаным ылыжта.

 

Припев:

            Шочмо кече, тыйын шочмо кече.

Шочмо кече тиде сай пайрем.

Шочмо кечын тыланетше лўмын,

Йоҥгалтеш пӧлеклан ты мурем.

Мут. Р. Калягинан, сем. П. Калягинын
 
1. Ӱмыраш авамланде ялем
Чоныштем шочмо кушмо велем,
Кундемем лач авамлак аклем,
Садланак мокталтен муралтем.        
 
Припев:
Авамланде ила шӱмыштем,
Тудын ден мый эре кугешнем.
Уло чон ден ялем йӧратем
Авамланде – вуемым савем,
Авамланде ила чоныштем
Тудын ден мый эре кугешнем
Уло чон ден ялем пагалем,
Авамланде – лиял пеленем.
 
2. Авай гаяк шочшет вашлият,
Мыланем тый эн шерге улат
Чоным почын ойлем вер-шӧрем
Ой кузе шӱм-кылем йывыртен.
   
Припев: тудак.
 
3. Куанен ошкедем семынем,
Ялем мучко ончал савырнем,
Пошкудем, тукымемым ужнем,
Мый тендам ашнынем ушыштем.
 
Припев: тудак.
 


Мутшо  И. Степанован

Семже Л. Сидоркинан

 

1. Шыргыжал колтет шӱм-чонем тарватет.

Йырымваш шошо сем  сылнештеш.

Маке гай тӱрвет, алгаштарыше йӱкет

Лач чон онгыр семынак йогалтеш.

 

 Припев:

Ала тый мыланем, ала мый тыланет

Ала юмо пӱрен лектынат ваштареш- 2 гана

 

2. Чатка кап-кылет, йӱксӧгае ошкылмет,

Волгалтеш ош тӱняш пеш сӧрал.

Шоптыр гай шинчат маке гай чуриет.

Йулалта кумылем сотыж ден.

 

Припев:

Ала тый мыланем, ала мый тыланет

Ала юмо пӱрен лектынат ваштареш- 2 гана

 

3. Кушто тый лийнат толын веле лектынат.

Йӱд ометым кӧн верчын коденат?

 Ну, молан гын тый от ончал шинчашкем,

 Шыргыжал кидет от шуял мыланем..

 

«Марий сандалык»

Марий калык погынын чапмурыжо

Мут. С.Николаевын

 Сем. А.Эшпайын

О,шочмо Эл - Марий сандалык,

Чон татулыклан поян:

Кеч тукым шуко, тӱрлӧ калык,

Кумыл йылме икоян.

 

Припев 2 гана:

Мӱндыр сугыньым, Ош Юмын кумылжым,

Эплын саклыже сакче кава,

Толшо тукымын сулло улмыжым

Кӱшнӧ кучыжо Шочынава

 

Кече нӧлталтмыла, у тылзе модмыла

Шочмо калыкна рвезын ила,

Эн тӱҥ надырла кугезын кодымо

Ныжыл йылме да кавыл йӱла.

 

Элнет, Вӱтла, Ош Виче, Ӱпӧ –

Ик еш гай чыла марий:

Тӱшка татум тушман ок тӱкӧ,

Таҥлан шуын - патыр лий!

 

Припев 2 гана:

Мӱндыр сугыньым, Ош Юмын кумылжым,

Эплын саклыже сакче кава,

Толшо тукымын сулло улмыжым

Кӱшнӧ кучыжо Шочынава

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.