Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

«Йорга вате» радиоспектакльым Марий радион фондышкыжо 1983-шо ийыште возымо. Тудым марий серызе, драматург, артист, СССР серызе-влак ушемын еҥже, Марий АССР-ысе тӱвыран сулло пашаеҥже, Кугу Ачамланде сарын участникше Арсий Волков возен.

Тӱҥ темыже: ик еҥын-шукырак оксам ыштен налаш, весын-ешым арален кодаш, а кумшын, калык манмыла, кӧ орвашке жапыштыже шинчын шукта-тудо кудалеш. Рольым Шкетан лӱмеш театрын ончычсо артистше-влак модыт.

Кумдан палыме драматург да писатель Арсий Волков «Кунам ломбо пеледеш» пьесым 60 ийлаште возен. Жапше годым тиде пьесым Татарийыште, Чуваш академический театрыште да тыгак элын моло олалаштыжат шынденыт. Радио пленкыш 1968-ше ийыште возымо.

Рольым модыт: Гурьянов - артист Владимир Богданов, Римма - артист Тамара Степанова, Виктор - Марий Элын сулло артистше Владимир Янгабышев, Антип кугыза - Российын сулло артистше Георгий Пушкин, Ванюк - Марий Элын сулло артистше Аркадий Орлов, Капа - Марий Элын сулло артисткыже Анисия Фёдорова, Ивий - артистка Нина Османова.

Тиде гана Юрий Петуховын пьесыже почеш шындыме «Талукышто коло сӱан» радиоспектакльым колышташ ӱжына. Марлашке чуваш йылме гыч кусарыме. Рольым модыт: Сидор Фомич - МАССР-ын сулло артистше Андрей Кудрявцев, Зиновий Капитоныч -артист Пётр Белопасов, Григорий – МАССР-ын калык артистше Иван Никитин, Прокоп – артист Анатолий Григорьев, Алевтина – РСФСР-ын сулло артистше Анастасия Страусова, Роза – артистка Зоя Коршунова, Таня – МАССР-ын калык артистше Мария Сапожникова, Зоя – артистка Дина Никифорова, Фрося – МАССР-ын сулло артистше Анисия Фёдорова. Баян дене Василий Тукманов шокта. Спектакльым плёнкыш 1962-шо ийыште возымо. Режиссер - РСФСР-ын культурын деательже Сергей Иванов.

Миклай Рыбаковын пьесыже почеш шындыме «Салтак вате» радиоспектакльым колышташ темлена.Тиде драмыште йыгыре кок тукымым сӱретлен ончыктымо. Персонаж кокла гыч утларак тичмашын Лыстывийын ӱжватаже палемдалтын. Рольым модыт: Лыстывий - Марий АССР-ын калык артисткыже Римма Руссина, Онтон -Марий АССР-ын калык артистше Иван Никитин, Янаш кува - Марий АССР-ын сулло артисткыже Любовь Булычёва, Елук - Марий АССР-ын сулло артисткыже Анисия Фёдорова, Карпов - РСФСР-ын сулло артистше Иван Матвеев да молат.

Действий 1942-шо ийыште эрта. Вӱдышӧ - РСФСР-ын сулло артистше Геннадий Копцев. Плёнкыш 1972-шо ийыште возымо.

Марий Эл 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2020 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.