Мотор Ӱярня марий мландыш вашка

Ямдылыме: 23 шорыкйол 2018

Ӱярня марий калыкын ик эн тошто пайремже. Тудо телым ужата, шошым вашлиеш. Кечышот почеш Ӱярня - куснылшо пайрем. Тудо Шорыкйол эртыме деч вара шым арня гыч пура, февраль-март тылзылаште толеш. Тений 17 февральыште Республикысе тӱвыра рӱдер Йошкар-Олаште, Рӱдӧ паркыште, эртара.

«LINGVA-территорий» йылме фестиваль келшымаш тулым чӱкта

Ямдылыме: 23 шорыкйол 2018

21 февральыште Йошкар-Олаште «LINGVA-территорий» йылме фестиваль кумшо гана эртаралтеш. Тудым Республикысе марий тӱвыра рӱдер ден Марий кугыжаныш университет Марий Эл Республикын тӱвыра, печать да калык-влакын пашашт шотышто Министерствыжын полшымыж дене эртарат. Фестиваль Шочмо йылмын тӱнямбал кечыжлан пӧлеклалтеш.

Межэтнический журналистик школ омсажым угыч почеш

Ямдылыме: 23 шорыкйол 2018

«Российысе межэтнический журналистик Гильдий» мер организаций Марий Элыште межэтнический журналистик школжым угыч почеш. Йошкар-Ола деч посна тудо элна мучко 24 олаште февраль-май тылзылаште эрта.

Тений Марий Элыште межэтнический журналистик школ Марий кугыжаныш университет ден «Газета «Марийская правда» ОАО пелен пашам ышташ тӱҥалеш. Тудын темыже – «Российысе медиа-кумдыкышто келшыдымаш йылмылан альтернативе» («Альтернатива языку вражды в российском медиа-пространстве»). Икымше занятий 14 февральыште «Газета «Марийская правда» ОАО-што эртаралтеш.

Йошкар-Оласе Рӱдӧ паркыште «Ӱярня курык» лиеш

Ямдылыме: 18 шорыкйол 2018

17 февральыште Республикысе марий тӱвыра рӱдер Йошкар-Оласе рӱдӧ паркыште регион кӱкшытан «Ӱярня курык» FOLKфестивальым эртара.

Куженерыш - марий концерт дене

Ямдылыме: 15 шорыкйол 2018

Республикысе марий тӱвыра рӱдерын творческий коллективше 2 февральыште Куженер поселкышто верланыше районысо тӱвыра пӧртыштӧ марий концертым эртара.

Марий Элын калык артистше Светлана Строганова, О. Ипай лӱмеш премийын лауреатышт Наталья Пушкина ден Светлана Яндукова, артист Алексей Юнусов, мурызо-влак Валерий Чиванов ден Станислав Устюгов, гармоньчо да мурызо Эльвира Петрова марий калык да эстраде, шке возымо мурышт дене куандарат.

Марий концерт 17 шагатат пелылан тӱҥалеш.