Шочмо кечыда дене, Наталья Васильевна!

Ямдылыме: 17 идым 2018

18 сентябрьыште Республикысе марий тӱвыра рӱдерым вуйлатыше Наталья Васильевна Пушкина шочмо кечыжым палемда.

Валерий Галкиным лӱмгечыж дене саламлыме

Ямдылыме: 12 идым 2018

Советский район Ӱшнӱр кыдалаш школым вуйлатыше, Марий Эл Республикын сулло туныктышыжо, Мер Каҥашын еҥже Валерий Галкинлан таче - 70 ий. Республикысе марий тӱвыра рӱдерын пашаеҥже-влак, Валерий Федоровичым чапле лӱмгечыж дене алал кумылын саламлен, сылне марий калык мурым йоҥгалтареныт.

Рӱдер вуйлатыше Наталья Васильевна Пушкина Валерий Федоровичлан тумо гае пеҥгыде тазалыкым, ешыште пиалым, пашаште сеҥымашым тыланен.

Падыраш» фольклор йоча ансамбль кумылан-влакым вуча

Ямдылыме: 11 идым 2018

Республикысе марий тӱвыра рӱдер пеленсе «Падыраш» йоча фольклор коллективым идалык ончыч чумырымо. Тудым рӱдерын методистше Эльвира Васильевна Петрова вуйлата. Тынар кӱчык жапыште падыраш-влак ола да республик кӱкшытан ятыр мероприятийыште мастарлыкыштым таптеныт, марий такмак-влакым тӱмыр-гармонь, шӱшпык да моло семӱзгар дене шоктен-муралтен, тавалтен ончыктеныт.

Чарла Кремль «Марий касыш» вуча

Ямдылыме: 10 идым 2018

Республикысе марий тӱвыра рӱдер идым тылзыште кок гана «Марий касым» эртара. Леве игече да погынышо калыкын шокшо кумылыштым шотыш налын, Чарла Кремльыште  погынаш палемдыме.

Икымшыже, шушаш изарнян, 13 сентябрьыште эрта, 18 шагатлан тӱҥалеш. Тудым ончычсо семынак марий артист да мурызо, мыскараче кумылан вӱдышӧ Алексей Юнусов вӱдаш тӱҥалеш.

Видеофильм ден электрон урок марий йылмылан туныктат

Ямдылыме: 07 идым 2018

Республикысе марий тӱвыра рӱдер лучко ий утла марий илыш-йӱлам пойдарыме, аралыме да вияҥдыме пашам шуктен шога. Илыш деч вараш огеш код - тудын дене таҥ тошкал каяш тырша. Каласыман, марий тӱвыра рӱдер культур аланыште гына огыл тӱлана, а туныктымо сомылымат вораҥдара. Тиде амаллан кӧра тӱрлӧ проектым илышышке пурта. Мутлан, марий йылмым кумданрак палдараш кок у технологийым темла: йоча-влаклан – мультурок, а кугурак-влаклан — электрон урок-влак.