Илышыштет шочмо йылмет могай верым айла?

Ямдылыме: 18 пургыж 2014

Республикысе марий тӱвыра рӱдер пелен Мутланымаш-ӱчашымаш (дискуссионный) клуб пашам ышта. Тушто черетан вашлиймаш 21 февральыште, Шочмо йылмын тӱнямбал кечынже, лиеш. Тудын темыже тыге маналтеш: «Илышыштет – шочмо йылмет».  Тидын нерген шке шонымашдам луктын каласаш але ӱчашаш кумылан-влакым Марий кугыжаныш университетын конференц-залыштыже (у тунемме корпусын 216-шо кабинетыштыже) 14 шагатлан вучена.

Мутланымаш-ӱчашымаш клубын погынымашкыже педагогике науко кандидат Валентина Константиновам, «Кугарня» газетын тӱҥ редакторжо Михаил Матвеевым, Марий тӱвыра рӱдерын увер вияҥдымаш да вашкыл пӧлкажым вуйлатыше, журналист да блоггер Эльвира Куклинам, «ВийАр» марий мер организацийын председательже, тележурналист Алёна Ивановам, Марий Эл Республикысе Туризм шотышто комитетын пресс-секретарьже Вера Гордеевам, Марий кугыжаныш университетын шымлызыж ден туныктышыжо-влакым да молымат ӱжмӧ.

Токтайбелякыште Коҥга пайремым палемденыт

Ямдылыме: 14 пургыж 2014

12 февральыште Республикысе марий тӱвыра рӱдерын пашаеҥже-влак Людмила Кошкина ден Эльвира Куклина «Саскавий» марий ӱдырамаш ушем дене пырля Кужэҥер район Токтайбелякыште Коҥга пайремыште участвоватленыт. Тушко пошкудо ялла, Торъял район, Куженер посёлко, Йошкар-Ола гыч уна-влак чумыргеныт. «Саскавий» ушем деч эше Ириада Степанова ден Светлана Бочкарёва, тыгак  Кужеҥер район администраций вуйлатышын алмаштышыже-влак Людмила Фадеева ден Нина Сергеева, районысо тӱвыра пӧлкам вуйлатыше Дмитрий Волков лийыныт.

Коҥга пайремым Кужэҥер районын икмыняр ялже гыч - «Ший памаш» (Токтайбеляк), «Ош пеледыш» (Чодраял), «Муро аршаш» (Тумньымучаш), «Ший оҥгыр» (Тошто Йӱледӱр) да Торьял район Кузнеч ял гыч «Весела кова-влак» фольклор ансамбль-шамыч сӧрастареныт.

Марий тӱвыра рӱдер районлашке сылне пайрем программе дене коштеш

Ямдылыме: 11 пургыж 2014

9 февральыште Республикысе марий тӱвыра рӱдер посна программе дене Оршанке кундемышке миен коштын - Пуялыште кугу концерт лийын, а Тошто Крешыныште «Марий кас» калыкым иктыш чумырен.

Марий йӱла пайрем муро-влак

Ямдылыме: 27 шорыкйол 2014

2013 ийыште Республикысе марий тӱвыра рӱдер  "Марий йӱла пайрем муро-влак" у мурпогым луктын. Нот дене погымо мурпогыш Марий тӱвыра рӱдерын "Чон оҥгыр" фольклор ансамбыльын репертуарже да Д. Кульшетовын "Шернур корнет" сборникше гыч муро-влак пуреныт. Школышто тунемше, студент, мурсемым йӧратыше да тудын деке кумылаҥдыше-влаклан пӧлеклалтеш.

Марий калыкын пайрем мурыжо-влак паша дене чак кылдалтыныт. Марий айдеме кеч-кунамат пӱртӱс вашталтышлан келшышын шке озанлык сомылжым тӧрла. Пайрем пелен йӱла муро-влакат шке верыштым айлат.

Тиде мурпогышко "Шорыкйол", "Ӱярня", "Кугече", "У саска" пайрем-влаклан муро-влак пуреныт. Тудым школлаште, тувыра пӧртлаште мероприятийым ямдылыме годым ямлын кучылташ лиеш. Кушкын толшо тукым марий пайрем муро-влакым у шӱлыш дене мураш тӱҥалеш.

Шорыкйол пайремыште Васливодо модмаш

Ямдылыме: 16 шорыкйол 2014

Теве сценышке Мӧчӧр, Салтак да Савуш гармонь почеш муралтен лектыч. Сӧрастарыме кожым ужмек, Савуш ӧрын шогале. «Молан тудо тыште шога?» йодмылан тудлан погынышо калык вашештыш: «У ийлан!».