«Ӱярня» пайрем 1 мартыште тӱҥалеш

Ямдылыме: 25 пургыж 2014

1 мартыште Республикысе марий тӱвыра рӱдер В.И.Ленин лӱмеш тӱвыра полат дене пырля Ӱярня пайремлан пӧлеклалтше мероприятийым эртара. Тушто оҥай деч оҥай программе вуча.

14 шагатлан Тӱвыра полат ончылно декоративно-прикладной искусствын ыштыш-кучышыжо ончыкталтеш, келшыше арверым кумылан-влак оксала налынат кертыт. Тиде жапыштак олаште илыше ден уна-шамычым усталык коллектив-влак куандараш тӱҥалыт, тӱрлӧ таҥасымаш да йӱлашке пурышо калык модыш лийыт.

Кырыкмары дискотекыште весела лиеш

Ямдылыме: 24 пургыж 2014

26 февральыште (вӱргече) 20 шагатлан Ленин лӱмеш тӱвыра полатыште «Рвезылык» этнодискотеке кырыкмары темылан пӧлеклалтеш.

Касыште Ӱярня дене кылдалтше модыш-влаклийыт. Мурызо Лидия Кучера ден «Карка шӹдӹр» ансамбль да моло кырыкмары шӹдӹр кумылым нӧлтат.

Дискотекыште шокшо да весела лиеш!

Пагалыме пӧръеҥ-влак! Шергакан коча, ача, ончыкылык аралыше-влак!

Ямдылыме: 21 пургыж 2014

Уло кумылын Шочмо элым аралыше-влакын кечышт дене саламлем.

Мемнан илышыште эн чот шергаканже – тиде йырваш улшо тыматле илыш, тыныслык, ласкалык. Чыла тидым элыштына ожнысекак шинчасортала саклен шогымо. Сандене Шочмо Элым аралыше-влакын кечышт поян да чапле корным эртен. Тиде кече тӱрӧпагытыште тӱрлӧсемын маналтын гынат, тӱҥжӧэре икте лийын – тудо лӱддымылыкым, шочмо мланде верч уло оҥдене шогаш ямде улмым, шке чапым да лӱм-нерым кӱшнӧкучымо кумылым ончыктен.

Тендам Шочмо Элым аралыше-влакын кечышт дене шокшын саламлена да Тыланда пеҥгыде тазалыкым, волгыдо пиалым, тыныслыкым, татулыкым тыланен кодына!

Кузерак таче оласе йочасадлаште марий йылмым тунемыт?

Ямдылыме: 20 пургыж 2014

Республикысе марий тӱвыра рӱдер марий йылме туныктышо-влак дене эреак кылым кучен шога. Теве 20 февральыштат рӱдерысе тӱшка тӱвыра паша шотышто пӧлкам вуйлатыше Людмила Кошкина Йошкар-Оласе 20-ше №-ан йочасадыш миен коштын. Тушто Шочмо йылмын тӱнямбал кечыжлан пӧлеклалтше семинар эртен. Йочасадлаште марий йылмым туныктышо-влак чумыргеныт.

Шуматкече гыч – шуматкечыш

Ямдылыме: 19 пургыж 2014

Каныш кечын – мончашке огыл, а «Марий касыш»! Тудыжым Йошкар-Оласе В.И.Ленин лўмеш Тўвыра полатыште Республикысе марий тўвыра рўдер кажне шуматкечын эртара. Да тышке марий шўлышан да марий кумылан еҥ-влак эреак вашкат. 22 февральыштат «Марий кас» шке весела койышыжым ончыкта. Ты гана тудо Шочмо Элым аралыше-влакын кечыштлан пӧлеклалтеш. Погынышо калыклан юарлыше тат-влакым Провой велысе Какшамарий ял гыч «Ӱшанлык» калык ансамбль пӧлекла.