Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла


Марий Элысе «Республикысе Марий тӱвыра рӱдер»

Кугыжаныш бюджетный тӱвыра учрежденийын 

УСТАВШЕ

1. Кӱчыкын палдарымаш

Марий тӱвыра рӱдерын (умбакыже – «Учреждений») учредительжын пашажым Марий Эл Республикысе Тӱвыра, печать да калык-влакын пашашт шотышто министерстве (умбакыже – «Исполнительный кучемын органже») шукта. Учрежденийын погыжын озаже – Марий Эл Республикысе Кугыжаныш пого министерстве.

Учрежденийым мыняр жаплан ыштымым палемдыме огыл.

Учрежденийын лӱмжо рушла: тӱрыснек – «Государственное бюджетное учреждение культуры Республики Марий Эл «Республиканский центр марийской культуры»; кӱчыкын - ГБУК РМЭ «РЦМК»;

марла: тӱрыснек – «Марий Эл Республикын «Республикысе марий тӱвыра рӱдер» кугыжаныш бюджет тӱвыра тӧнежше»; кӱчыкын – «МЭР «РМТР» КБТТ».

Учреждений коммерцийдыме организацийлан шотлалтеш. Тудо Марий Элысе Тӱвыра, печать да калык-влакын пашашт шотышто министерствын подчиненийыштыже улеш.

Учреждений юридический лицалан шотлалтеш, тудын шкенжын балансше, казначейство органлаште лицевой счётшо, йыргешке печатьше уло.

Учрежденийын верланыме адресше: 424036, Марий Эл Республика, Йошкар-Ола, Первомайский ур., 109-ше порт.

Учрежденийын филиалже ден представительствыже-влак уке улыт.

 

2. Учрежденийым молан ыштыме

Учреждений

- марий калыкын тӱвыражым да чон поянлыкшым, тыгак илыш-йулаж дене кылдалтше пайрем-влакым аралаш да умбакыже вияҥдаш;

- Марий Элыште илыше калык-влак коклаште келшымашым аралаш да пеҥгыдемдаш;

- Марий Элысе кугыжаныш да мер организаций-влак дене, Россий Федераций субъектласе сымыктыш, шанче, тӱвыра пашаеҥ-влак дене усталык кылым вияҥдаш;

- усталык коллектив-влаклан студийым, мастерскойым, тунемме рӱдерым почмаште методический ден организационный полышым пуаш;

- Марий Эл деч ӧрдыжтӧ улшо Марий тӱвыра рӱдер да марий-влакын землячествышт дене, Россий Федерацийысе финн-угор калык-влакын мер культурологический организацийышт дене кылым ышташ да кумдаҥдаш манын ышталтын.

Чыла тидлан Учреждений тыгай пашам шуктен шога:

- культурно-массовый, тыгак тӱлыман мероприятий-влакым;

- тӱрлӧ фестивальым, смотрым, конкурсым, самодеятельный изобразительный да декоративный искусствым, калык ыштыш-кучышым ончыктышо выставкым;

- конференцийлам, семинарлам, усталык лабораторийлам эртара;

- савыктыш сомылым шукта.

Учреждений, Уставше дене келшышын, парышым кондышо пашамат шуктен кертеш.

Южо пашажым Учреждений лӱмын пуымо разрешений (лицензий) почеш гына шуктен кертеш.

 

Учрежденийым Директор вуйлата.

Директорым (умбакыже – «Вуйлатыше») исполнительный кучем орган конкурс почеш пашаш налеш да паша гыч кораҥда.

Учреждений вуйлатыше Учрежденийын кажне кечаш пашажым вуйлата да исполнительный кучем орган ончылно мутым куча.

Учрежденийым вуйлатыше тудын компетенцийыштыже улшо йодыш-влакым шкенжын шонымыж семын шуктен шога.

Учрежденийым вуйлатыше:

- Учрежденийын устав дене палемдыме пашажым да собственникын куштымыжым шуктен шога;

- Учрежденийын лӱмжӧ дене доверенность деч посна пашам ышта, тудын интересшым кугыжаныш органлаште, предприятийлаште, организацийлаште, судышто арала; финанс документлаш, ойпидышлаш да моло документлаш кидпалым пышташ праваже уло;

- закон да тиде Уставын палемдымышт кышкарыште Учрежденийын погыжым кучылтеш, ойпидышлам ышта;

- Учрежденийын интересшым аралаш ушанкагазым (доверенностьым) пуа;

- шкенжын компетенцийжылан келшышын, приказ ден куштымашым луктеш; Учрежденийын пашаеҥже-влак нуным шуктен шогышаш улыт;

- пашаеҥ-влакым пашаш налеш да паша гыч кораҥда, нунын дене пашаче ойпидышым ышта.

Учреждений вуйлатышын жаплан уке лиймыж годым тудын пашажым Вуйлатышын алмаштышыже шукта.

 

5. Учрежденийын погыжо да оксаже

Учрежденийлан пуымо кугыжаныш заданийым шукташ окса Марий Элын бюджетше гыч субсидий семын ойыралтеш.

Учреждений, собственник дене кутырен келшыде, недвижимый манме погым, тыгак движимый манме, поснак шергакан погым, собственникын пуымо оксаж дене налме погым шонымыж семын кучылт ок керт.

 

7. Учрежденийым пужен ыштымаш да пытарымаш

Учреждений Марий Эл Республикысе Правительствын пунчалже дене пужен ышталтеш да пытаралтеш.

Учрежденийым пужен ыштыме але пытарыме годым паша гыч кораҥдыме пашаеҥ-влакын правашт Россий Федерацийын законжо-влак дене аралалтыт.

Учреждений тунам пытаралтмылан шотлалтеш, кунам тидын нерген юридический лица-влакын единый кугыжаныш реестрышкышт кӱлеш возымашым ыштат.

 

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.