Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Шорыкйол пайрем идалык мучко толын шогышо пайрем радамыште ик эн тӱҥ верым налеш. Тудо тошто ийым иктешла да у ийым почеш. Ожно марий калык тиде пайрем гоч ончыкылык илышыжлан ӱшаным шочыктен. Тудын икмыняр лӱмжӧ уло. У ийын шочмыжым ончыктышо Шортйол, Шачял лӱм-влакым утларак чынлан шотлыман.

Шорыкйол годым тӱрлӧ мужедмаш, модмаш эртаралтыт, туштым туштат. Йӱла муро-влаклан пайрем поян лийын. Тудын ик тӱҥ ойыртемже да сöрастарышыже васликува ден васликугыза, мöчöр-влак улыт. Нуно сурт еда коштмышт годым тÿрлö рольым модыт: Йÿштö Кугызамат, Лумÿдырымат, южыжо шÿргыш шовычым сакалта, куэ кумыж денат тыгай авыртышым ыштат. Ужгам савырен чият да маска лийын кертыт. Нуно сурт еда коштыныт, сурт озалан, тудын ешыжлан пиалым, улан илышым тыланен пелештеныт, Озамыт мӧчӧр-влак деч деч талук мучко кузе илымыштым да молымат йодыштыныт.

Ожно шурным ӱдымӧ нур ӱмбалне каван семын лум орам ыштеныт. Тидын дене шушаш ийын тынарак каван шурным ыштен, шонымыштым почыныт, сад пакчаште вондо укшым рӱзалтыме дене саскам налаш шонымыштым ончыктеныт.

Пайрем годым ойӧремат эскереныт. Вургемым мушкаш, ургаш, тӱрлаш, неле пашам ышташ ок лий. Пайремлан ямдылыме ӱстел сий поянлыкше дене ойыртемалтын. Тӱрлӧ кочкыш у ийыште поянлыкым конда манын ӱшаненыт.

 

Марий Эл 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2021 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.