Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Республикысе марий тӱвыра рӱдер марий калыкын ик тӱҥ Шорыкйол пайремым Йошкар-Олаште Ленин площадьыште 7 январьыште эртара. Тудо 17 шагатлан тӱҥалеш.

Шорыкйол – марий калыкын йӱла пайремже. Тудо идалык мучко эртаралтше калык–йӱла пайрем-влаклан тӱҥалтышым ышта. Шорыкйол пайрем эре кугарня кечын пура, ик арня шуйна да ты кечынак мучашлалтеш.

Тиде пайремым тӱрлӧ кундемыште тӱшкан илыше чыла марий палемда. Тӱрлӧ вере тудым шке семын лӱмдат. Теве Угарман велне Васли вады, курыкмарийыште Шачял, Волжский кундемыште Шорйол маныт. «Шорыкйол» мут мом ончыкта? Идалыкым иктешлымым ончыкта - Шочшо У ий, у жапын шочмыж нерген ойла. Тудын шочмо пагытше кече кужемме жаплан келшен толеш, эҥерлаште вӱд кылма, маска вес могырыш савырнен возеш.

Пайремын тӱҥ сӧрастарышыже – васликува ден васликугыза, мӧчӧр-влак - дене пырля йӱлам радамым шукташ йӧн лиеш, модмаш, мужедмаш, мурымаш да куштымаш пайрем кас годым тендан чондам вӱчкаш тӱҥалыт.

Шорыкйол пайрем дене калык шуко ырымым ончыктен. «Кумыржат окса, шымыржат – окса» манын куштет гын, идалык мучко шийвундан лият. Шорыкйол арняште ӱдыр-влак вургемыштым тарватылыт, пуйто тыге ыштыме дене вургем налаш перке лектеш. Кузе Шорыкйол пайремым эртарет, туге идалык мучко илет, маныныт.

Кажне еҥ 2018 ий моторын, пиалан эртыже, кинде да окса перкелык дене илаш шона. Сандене шонымашда да илыш кумылда ик кӱкшытыштӧ лийышт манын, 7 январьыште Шорыкйол пайремым пырля веселан эртарена.

Фотом Интернет гыч налме.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2018 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.