Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Пагалыме йолташ-влак!

Уло кумылын тунемше, туныктышо, ача-ава-влакым у тунемме ий да Шинчымаш кече дене саламлем!

Чевер шыжын икымше кечыже кажнылан эн шергакан: кӧ тунемын, тунемеш да туныкта. Туныктышо-влаклан тудо – профессионал кӱкшытым нӧлталаш сай негыз, кеҥеж пагытыште вийым да капым погышо тунемше-влакым куанлын вашлийме, йоча-влаклан шинчымаш тӱняш омсам кумдан почмо тат.

Тунемше-влаклан Шинчымаш кече – эрласе кечыш ӱшан ошкыл, йолташ-влак дене вашлийме кече, поснак кызытсе, эпидемиологий ситуаций куштылго огыл, жапыште, кунам онлайн йӧн дене эртыше тунемме ийым ончылгоч мучашлыме. Поснак икымше классыш толшо нӧргӧ икшыве-влакым саламлем, шинчымаш кугорныщт тек волгыдо да кумда лиеш.

Ача-ава, коча-кова-влакланат тудо – вучымо да чоным вургыжтарыше кече. Кажныже, очыни, шкенжын школ жапшым шарналта, тудат тыгак икымше йыҥгырын йӱкшӧ почеш шинчымаш аҥам поро туныктышыжо дене куралын, школ мер сомылым шуктен, тӱшка дене келшен илаш тунемын. Ынде тиде йыжыҥыш шочшышт але уныкашт пура.

У тунемме ий да Шинчымаш кече дене! Чылалан пеҥгыде тазалыкым, тунеммаште да пашаште сеҥымашым, чытымашым тыланем. Тек шонымашда да паша лектыш, икте-весым пагалымаш ик кӱкшытыштӧ лийыт,

Н.В. Пушкина, Республикысе марий тӱвыра рӱдерын вуйлатышыже, Марий Эл Республикын Кугыжаныш Погынжын депутатше

Марий Эл 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2020 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.