Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Таче, 1 шыжа – Илалше-влакын тӱнямбал кечышт. Илыш да пашашт дене ший ийготым погышо ача-авана, коча-кована, пошкудына, родо-тукымна-влакын пайремышт.

Кужу илыш корнышт нунын тӧрсыран, чодыра йолгорно гай кадыргалше лийын гынат, ончыко каяш, шочшо-уныка-влаклан чын корныш лекташ поро ой-каҥаш денат, паша денат полшеныт да полшат. Поян илыш корнышт тачысе да эрласе кечым волгыдо шинчаончалтыш дене аклаш туныктат. Шочмо йылмынам, курым гыч курымыш аралалт кодшо йӱланам, тӱвыранам арален кодымаште нунын надырышт кугу манме чын дечат чын. Ончалза: фольклор ансамбль-влакын рӱдышт кӧмыт улыт? Ача-авана, кована-кочана-шамыч? Примерлан мӱндыркӧ куржшаш уке – Республикысе марий тӱвыра рӱдер пеленсе «Чон оҥгыр» ансамбль тӧнежын шочмыж годсек пашам ышта – 20 ий! Икмынярышт тынар жапак тушко коштыт, олаште марий йӱлам, тӱвырам шыҥдарымаште, пайремлаш марий вургемым чиен толмаште весе-влаклан пример улыт. А ял клубышто таче тӱҥ шотышто кӧ мура да кушта, ял пайремым эртара? Нуно, пагалыме ший ийготым вачӱмбак пыштыше мудречна-влак! Тачысе пайремышт дене шокшын-шокшын саламлена да пеҥгыде тазалыкым, кужу ӱмырым тыланена. Тек вуй ӱмбалныда чевер кече шырата, шочшо-уныкада-влакын йӧратымашышт кумылдам нӧлта.

Пайрем дене, ший ийготым погышо ача-кочана, ава-кована-шамыч!

Марий тӱвыра рӱдер ветеранже да ансамбльын участникше-влакым «Уло шӱм дене» пайрем касыш ӱжеш. Тудо таче, шыжан 1-ше кечынже эрта. Рӱдерыште чыладам 15:30 шагатлан пагален вучат.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.