Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Ӱярнян 29 кечынже Калыкле президент школышто «Самырык тукым» республикысе йоча усталык конкурс эртен. Тудо Марий Элын 100 ияш лӱмгечыжлан пӧлеклалтын.

Тушто лу район да Йошкар-Ола гыч 200 наре йоча, туныктышо да уна-влак лийыныт. Тунемше-влак марий кундемым йӧратымышт, шочмо-кушмо вер-шӧрын сылнылыкше, пашаче калыкше дене кугешнымашышт нерген сцене гоч модын ончыктеныт. Индеш саламлымаш сюжетым икте ушен – шочмо кундемна кажнылан лишыл да куатле.

Икманаш, «Модын ончыктымо саламлымаш» конкурсышто икымше верыш Советский район Ӱшнур кыдалаш школын тунемшыже-влак лектыныт. Провой кундем Чакмарий кыдалаш школын изи артистше-влак «Ойпоган шочмо вер» сценарий почеш саламлымашышт дене кокымшо верым сеҥен налыныт. Морко район Волаксола кыдалаш школын тунемшыже-влак кумшо верыш лектыныт.

«Пелед, тӱзлане, Марий Элем» сӱрет конкурсыш пурышо 29 пашашт дене тунемше-влак Марий Элнан эн сылне вер-шӧрышкыжӧ ӱжыныт, пӱртӱсын моторлыкшо дене палдареныт. Нуным иктеш чумырен, тӧнежын фойкештыже сӱрет ончерым почмо.

Таҥӱчашыште Морко район Коркатово  кыдалаш школын тунемшыже Алина Павлован «Шочмо верыште» сӱретше икымше вер дене палемдалтын. Йошкар-Оласе 1-ше номеран школын тунемшыже Мария Денисова «Мӱшыл» сӱретше Юлсер кундемыште верланыше ерын «кумылжым» прамай почын, тудым кокымшо вер дене палемдыме. Кумшо верыште – Оршанке поселкысо школын изи сӱретчыже Анна Крапивина. Тудо теле кечын моторлыкшым почын пуэн

«Самырык тукым» конкурсышто туныктышо-влак сценарийым возымаште чолгалыкыштым ончыктеныт, Чылаже 23 паша пурен. Советский район Кадам кыдалаш школын туныктышыжо Зоя Александровна Беляева «Йырваш могай мотор, илаш моткоч ласка» сценарийже икымше верыш лектын. Килемар район Арде кыдалаш школын туныктышыжо Маргарита Васильевна Васильеван «Шачмы велем шергы мылам!» сценарийже кокымшо вер дене палемдалтын. У Торъял район Элембай школын туныктышыжо Елена Евгеньевна Петухован возымо  «Марий Элем – шочмо верем» сценарийже кумшо верыш лектын.

«Российысе марий-влак» ФНКА-н посна призше дене Морко район Волаксола кыдалаш школын 4-ше классыште тунемше Анатолий Федоровым палемдыме. Тыгак «Кугарня» газетын лукмо кечышотшым, «Ямде лий» газет-влакым йоча-влаклан кучыктымо.

«Самырык тукым» йоча усталык конкурсын участникше-влакым Марий Эл Республикын тӱвыра, печать да калык-влакын пашашт шотышто министрын аламаштышыже Галина Ширяева, Туныктыш да шанче министрын алмаштышыже Нонна Антонычева, «Российые марий-влак» ФНКА-н Советшым вуйлатыше Лариса Яковлева, Оньыжа Эдуард Александров саламленыт.

«Самырык тукым» республикысе йоча усталык таҥӱчашым Республикысе марий тӱвыра рӱдер Марий Эл Республикысе Тӱвыра, печать да калык-влакын пашашт шотышто министерстве ден Туныктыш да шанче министерствын полшымышт дене эртарен.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.