Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

Пеледыш пайрем – марий калыкын эн йӧратыме да куанле пайремже. Тудым шошо ага пашам мучашлымеке эртарат. Моло калыкынат тыгай пайремже уло: татар «Сабантуйым», чуваш «Акатуйым» палемдат.

Пеледыш пайрем марий писатель, просветитель А.Ф. Конаковын инициативыже почеш икымше гана 1920 ий 27 майыште Шернурышто эртен. Тудын дене «Агавайрем», «Семык» пайремлам алмаштыме.

1923 ийыште «Йошкар пеледыш пайремым» Марий автоном областьын шемер калыкшын кечыже семын увертарыме улмаш. Тудым 24 майыште эртарыме, тиде кечыже «Семык» пайремлан келшен толын. 1928 ий кеҥежым Йошкар пеледыш пайремым марий кундем деч ӧрдыжтӧ палемденыт. Тудо Вотский автоном областьыште (кызыт – Удмурт Республик), Татар АССР Елабуга кантонышто да Башкир АССР-ыште эртарыме.

30 ийла тӱҥалтыште, «буржуаз националист-влакын пашаштым» тӱжвак лукмо пагытыште, пайремым эртарымым чарныме. Тудым угыч 1965 ий гыч палемдаш тӱҥалме. 2009 ий гыч Пеледыш пайрем пеледыш тылзын кумшо шуматкечынже эртаралтеш.

Йошкар-Олаште Пеледыш пайрем «Агавайрем» кумалтыш дене тӱҥалеш, регион-влак кокла кӱкшытыштӧ да кок ужаш дене эрта. Официал ужашыште – саламлымаш, шошо агаште ойыртемалтше-влакым палемдымаш, а каныме ужашыште – концерт, модмаш да моло оҥай мероприятий. Йошкар-Олаште тудо калык пайрем семын эрта. Пеледыш пайремыш марий калык илыман регионла гыч делегаций-влак толыт.

 

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2020 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.