Марий Элыште Калыкын икоян улмо ден Марий Элым ыштымылан 97 ияш кече-влакым кумдан палемдыме. Тушто Республикысе марий тӱвыра рӱдер пелен чумырымо фольклор да мурышо коллектив-влакат шке надырыштым пыштеныт.

Шыжан 2 кечынже «Чон оҥгыр» фольклор коллектив Мер-политик рӱдерыште ончерым почмаште марий калык муро дене куандарен. Эрлашыжым, 3 ноябрьыште, «Сото вий» коллектив да посна мурызо-влак Волжск ола да Юлсер кундем Приволжский поселкышто илыше-влакым чапле концерт дене куандареныт. Пайрем кечын, 4 шыжан, Чарла Кремльыште марий тӱвыра рӱдерын коллективышт марий рӱдоласе калыклан  муро-влакым пӧлекленыт, Эльвира Петрован шоктымыж почеш чылан тавалтен кертыныт.