Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

2 декабрьыште Ижевск оласе Калык-влакын Келшымаш пӧртыштышт Одо кундемыште илыше марий-влакын Погынышт эртен. Тушто Удмурт Республикысе чыла гаяк район гыч делегат ден эскерыше-влак лийыныт. Удмурт Республикысе национальный политике шотышто министр Лариса Буранова, Марий Эл Республикысе Тӱвыра, печать да калык-влакын пашашт шотышто министрын алмаштышыже Галина Ширяева, «Российысе марий-влак» Федерал калыкле-тӱвыра автономийын Советшым вуйлатыше Лариса Яковлева, тудын алмаштышыже Олег Третьяков, ФКТА-н исполкомжым вуйлатыше Наталья Пушкина лийыныт. Погынышто Россий Федерацийын да Удмурт Республикын кугыжаныш национальный политикыжым илышыш шыҥдарымаште Одо кундемысе марий мер организаций-влакын верышт нерген йодышым каҥашыме.

Погыным Удмурт Республикысе «Одо марий» регион кӱкшытан калыкле-тӱвыра автономийын Советшым вуйлатыше Анатолий Радыгин вӱден да тӱҥ докладым ыштен, марий-влакын илыман яллаште да олалаште ыштен шогымо паша дене палдарен, ыштышаш сомыл нергенат каласкален. Мутат уке, тыгодым чоным вургыжтарыше йодыш-влакым нӧлталын. Тудыжо тӱҥ шотышто ял ден ял коклаште пеҥгыде корно укелык нерген ойлен. МарНИИЯЛИ-н директоржо, историй шанче кандидат Евгений Кузьмин «Марий калыкын шӱдӧ ияш маякше. I Марий Погын нерген» теме дене докладым ыштен.

Варажым Погын шке пашажым кум секцийлаште шуэн. Икымше секцийыште Одо кундемысе марий мер ушемын вияҥме корныж нерген каласкалыме гын, кокымшо секцийыш ушнышо-влак этнокультур шинчымаш нерген ойленыт, марий йылмым туныктышо-влакын профессионал вияҥмаште лекше проблеме, улшо ресурс да ончыкылык корно нерген палемденыт. Тушто шке шонымашышт да паша кӱкшытышт дене Одо кундемысе институтласе преподаватель да школлаште туныктышо-влак палдареныт.

Мер ушемын самырыкъеҥже-влак, посна погынен, проект-влак гоч мер пашам вияҥдыме нерген кутыреныт.

Погын жапыште одо марий-влак марий сӱретче, Россий Федерацийын сулло художникше Иван Ямбердовын ончерже почылтын. Тыгак марий книга, марий вургем ончер-ужалымаш лийын.

Погын деч вара одо марий-влак Республикысе марий тӱвыра рӱдерын творческий группыжын да Марий Элын тӱвыран сулло пашаеҥже, мурызо Татьяна Денисован концертшым чон куанен онченыт.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.