Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Кылмын 17 кечынже Йошкар-Олаште самырык-влаклан «МУНЛО» республик кӱкшытан интеллектуал марафон лиеш. Тудым Республикысе марий тӱвыра рӱдер кумшо гана эртара. Ончычсо ийласе семынак Марий Эл Республикын тӱвыра, печать да калык-влакын пашашт шотышто министертстве ден Туныктыш да шанче министерстве рӱдерлан уш-акылым, усталыкым да команде дене пашам ыштен моштымо кӱкшытым тергыше таҥасымашым эртараш полшат. Марафон Марий Эл Республикылан пӧлеклалтын.

Тудо кум тапыр дене эрташ тӱҥалеш. Кажне тапырын шке темыже: икымше: - «Шочмо кундемын лӱмлӧ еҥже-влак», кокымшо – «Марий калыкын йылмыже да сылнымутшо», кумшо – «Марий калыкын йӱлаже». Кажне тапыр 15 йодыш гыч шога.

Марафоныш команде-влак ушнат. Кажныште куд еҥ лийшаш. Командын лӱмжӧ лийшаш.

Сеҥыше командылан Кубокым кучыктат, тудо «МУНЛО» республик кӱкшытан интеллектуал марафонын чемпионжо лиеш. Призерыш лекше команде-влаклан пӧлек да диплом кучыктат.

«МУНЛО» марафон Усталык ушем-влакын пӧртыштышт (Амстердам наб.,2-шо пӧрт) эрта. Регистраций 17 ноябрь индеш, а марафон - 10 шагатлан тӱҥалеш.

Палемдыман, кызыт районлаште муниципал кӱкшытан тыгаяк марафон-влак эртат. Теве Морко районышто тудо шыжа тылзе мучашыште эртен. Чылаже кандаш школ гыч  тунемше-влак ушненыт. Морко поселкысо 1-ше номеран кыдалаш школын «Чолпан» командыже сеҥен. Тудо районын чапшым республик кӱкшытыштӧ аралаш тӱҥалеш.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.