Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

25 ноябрьыште Марий форумын шыжымсе сессийже У Торъял районышто эртен. Тушто «Марий Элысе школлаште марий йылмым туныктымо паша шотышто» да «Марий мланде да паша лектыш» йодыш-влакым ончен лекме. Сессийын пашажым Марий Мер Каҥаш вуйверын еҥже Евгений Небогатиков вӱден. Форумышто Мер Каҥашын еҥже-влак деч посна У Торъял районысо онаеҥ, тӱвыра да туныктыш сферылаште тыршыше, марий илыш да мер ушем деке кумылан еҥ-влак лийыныт.

Форумын шыжымсе сессийыште Марий Эл Виктер вуйлатышын икымше алмаштышыже Михаил Васютин, Марий Эл Виктер вуйлатышын алмаштышыже Юрий Сидыганов, У Торъял район администраций вуйлатыше Василий Блинов лийыныт. Форум «Первый май» тӱшка озанлыкын Крешын Руй ялысе фермын пашаж дене палыме лийме гыч тӱҥалын.

Икымше йодыш дене Марий Эл Республикын туныктыш да шанче министрын алмаштышыже Александр Иванов ойлен, шочмо йылмым туныктымаште лийше вашталтыш нерген умылтарен. Тудо Чӱксола тӱвыра полатыште эртен.

Варажым форум шке пашажым райрӱдыштӧ верланыше сымыктыш школын актовый залыштыже умбакыже шуэн.. Ялыште илыше-влакын тӱшка озанлык пашаште тыршымышт, шке пашам тӱзландарен шогымышт нерген «Первый май» озанлык вуйлатыше Аркадий Новиков, амалкалче-влак Николай Гусев, Виталий Пуртов, Ирина Алгаева, Сергесола яллан негызым пыштыше Сергей Секретарев, фермер озанлык вуйлатыше Руслан Секретарев ден шке озанлыкым вияҥдыше Екатерина Кельдыбаева каласкаленыт. Пошкырт вел Янаул районысо марий илыман Рабак кундемыште тӱшка озанлыкын пашаже дене тудым вуйлатыше, Марий Мер Каҥаш вуйверын еҥже Александр Гайсин палдарен. Форумын участникше-влак Курыкмарий районышто ял озанлык паша вияҥме нерген видеофильмым онченыт.

Варажым V пленум шке пашажым шуэн. Тушто Мер Каҥашын 2017 ийысе паша лектышыжым ончен лекме, 2018 ийлан паша план дене палдарыме. Марий Мер Каҥаш вуйверын еҥже Евгений Небогатиков илем-влакым тӱзатыме шотышто ял калыкым кумылаҥдыме пашаште Мер каҥашын верысе активын верже нерген палдарен. Тыгак вуйверыште вашталтышым ыштыме йодышым ончымо.

Оньыжа Эдуард Александров 2017 ийыште мер пашаште ойыртемалтше-влаклан Чап таныкым кучыктен. Марий тӱвыра рӱдер 2017 ийыште марий пайрем-влакым тыршен да моштен эртарымылан Чап танык дене палемдалтын.

Форумын участникше-влак тиде кундемыште тӱвыра илышын пашаж денат палыме лийыныт. Тидым концертым ончен аклыме. Тушто йоча коллектив, фольклор ансамбль, посна мурызо-влак выступатленыт.

Форум экскурсий дене мучашлалтын: Андрей Куклин погымо ретро-техникыже дене палдарен.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.