Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

10 декабрьыште Марий тиште кечым палемдаш тӱҥалына. Марий тиште кечым Кугыжаныш пайрем семын 1998 ий гыч палемдаш тӱҥалме. Кӱшнӧ палемдыме ийын 18 ноябрьыште Марий Эл Президентын Кӱштыкшӧ дене келшышын, тиде пайремым кажне ийын 10 телын пайремлат. Лач тиде кечын, 1775 ийыште, Екатерина II-ын  кугыжаланыме жапыште, Санкт-Петербург оласе книга кевытлаш «Сочинения, принадлежащие к грамматике черемисского языка» икымше марий грамматикым ужалаш лукмо. Книган авторжылан Озаҥ да Свияжскысе архиепископ В.Пуцек-Григоровичым шотлат.

Теният Марий Элыште тудым кумдан палемдаш тӱҥалме. 1 декабрьыште С.Г.Чавайн лӱмеш калыкле книгагудышто книга ончерым почмо. Тудо 15 декабрь марте шуйна. Тыгак тыштак 9 декабрьыште йоча ден кугыеҥ-влаклан ятыр мероприятий эртаралтеш. С.Г. Чавайнын сылнымут кабинетыштыже экскурсий лиеш.

6 декабрьыште Марий кугыжаныш университетыште, тунемме да лабораторий корпусышто, «Марла чын возена» визымше гана тӱшкан возымо диктант эрта.

7 декабрьыште МарНИИЯЛИ-ште «Марий йылмыште мут ышталтме йодыш» йыргешке ӱстел 11 шагатлан тӱҥалеш, 15 шагатыште «Марий-влакын ончычсо историйышт дене кылдалтше ӱчашымашым лукшо йодыш-влак» шанче-практике семинар эрта.

Тиде кечынак М.Шкетан лӱмеш Марий национальный драме театрын воштончыш залыштыже марий тӱр мастар Ираида Степанован «Марий тӱрыштӧ Юмо-влак» книгажын презентацийже лиеш, 13 шагатат пелылан тӱҥалеш.

8 декабрьыште Йошкар-Оласе 1-ше номеран кыдалаш школышто «Финн-угор калык-влакын тиште памятникышт» презентаций паша дене конкурс эртаралтеш.

Тиде кечынак «Краевед» клубын еҥже-влак черетан заседанийыштышт лиеш. Тушто Марий тиштын вияҥме йыжыҥлажым нергелаш тӱҥалыт.

9 декабрьыште муниципал кӱкшытыштӧ этнокультурный предметла (марий йылме, марий кугыжаныш йылме, марий литератур, ИКН, татар йылме, татар литератур) дене олимпиаде эртаралтеш.

10 декабрьыште М.Шкетан лӱмеш Марий национальный драме театрыште Марий тиште пайремлан пӧлеклалтше тӱҥ мероприятий лиеш. Тыште «Ме марий улына» фотоончер, книга ончер почылтыт. «Мунло» уш-акылым пудыратыше марафон эртаралтеш. Тудо 12 шагатлан воштончыш залыште тӱҥалеш. Пайремым айон почмо ужаш 15 шагатыште лиеш. Пайрем «Эреҥер» спектакльым ончымаш дене мучашлалтеш.

Марий тиште кечым декабрь мучко палемдаш тӱҥалыт. 15 декабрьыште Усталык ушем-влакын пӧртыштышт Марий книга савыктыш ден Марий Элысе писатель ушемын лукмо книга-влакын презентацийышт эрта. Тыгак Йошкар-Оласе кажне книгагудо ончерым почыт але ушым пудыратыше программе-влакым йочаланат, самырык ден кугурак ийготан еҥ-влакланат эртарат.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.