Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

10 декабрьыште марий калык Марий тиште кечым пайремла. Тиде кечын 1775 ийыште Санкт-Петербург олаште икымше марий книга лектын. Тиде – «Сочинения, принадлежащие грамматике черемисского языка». 1990 ий гый кугыжаныш пайремыш савырныше марий тиште кечым тений Йошкар-Олаште ятыр мероприятийым эртараш палемдыме.

Пайремлан тӱҥалтышым 6 декабрьыште «Марла чын возена» тӱшка диктант ышта. Йошкар-Олаште тудо Марий кугыжаныш университетын Калыкле тӱвыра да тӱвыра кокласе кыл шотышто институтышто эрта. Кудымшо гана эртаралтше марий диктант 10 шагатлан тӱҥалеш.

Диктантым возымашке кажне марий, тыгак марий огыл, но марла моштышо еҥ ушнен кертеш. Мыняр шуко еҥ ушна, тунар шочмо йылмына деке пагалымашнам ончыктена. Тидлан организатор-влак чыла йӧным ыштат: марий рӱдолаште веле огыл, республикысе чыла район, ял, Российысе кундемлаште илыше марий-влак ушнен кертыт.

Диктант возымо деч вара В.М. Васильев лӱмеш Йылмым, сылнымутым да историйым шымлыше марий шанче институтын конференц-залыштыже тунемше-влаклан «Мый да шочмо йылмым туныктышем» презентаций паша дене республик кӱкшытан конкурс лиеш. Тудо 11.30 шагатлан тӱҥалеш. Конкурсым Республикысе марий тӱвыра рӱдер эртара.

15 шагатлан институтыштак «Актуальные проблемы перевода с русского на марийский язык» шымлыме-методик семинар эртаралтеш.

9 декабрьыште 11 шагат гыч 16 шагат марте С.Г.Чавайн лӱмеш Калыкле книгагудо «Марий тиште кече» ушакыл пойдарыше программым ямдыла. Тыгак тыштак «С.Г.Чавайнын «Элнет» романжым лудына» медиапроектын презентацийже лиеш.

10 декабрьыште Марий кугыжаныш университетын «Точка кипения – Йошкар-Ола» стратегий инициативе агентствын коворкинг-рӱдерыштыже Шочмо йылмын, тыгак рушынат, Ассоциацийын марий пӧлкажын учредительный погынжо лиеш. 10 шагатлан тӱҥалеш.

15 шагатлан Марий тиште кечым эртарыме пайрем Республикысе курчак театрыш кусна. 15 шагатлан Республикысе марий тӱвыра рӱдер «Мунло» ушакыл модмашым эртара.

Тиде жапыштак театрын фойештыже «Марий Элын идалыкысе книгаже -2018» VIII республик кӱкшытан книга ончер-ярминга лиеш. «Этноузоры-2019» альманахын презентацийже 16.30 шагатлан тӱҥалеш.

17 шагатлан «Марий Элын идалыкысе книгаже-2018» VIII республик кӱкшытан конкурсышто, «Марла чын возена» VI тӱшка диктантым возышо-влак коклаште сеҥыше-влакым саламлымаш лиеш.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.