Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Кызытсе саманыште, окса кеч-куштат кугу верым налын шога, чылан ала-мом ужалат да чылан ала-мом налыт. Садлан шуко кевыт почылтмылан ӧрман огыл. Кевытыште кочкышым, вургемым да эше шуко тӱрлӧ арверымат налаш лиеш. Тушто чыла муаш лиеш!

Ятыр кевыт почылтмылан кӧра, ужалыше-влак коклаште изи огыл конкуренций лектын. Нуно налше-влакым поян сату да шулдо ак дене шке велкышт савыраш тыршат. Тыгодымак кевыт оза-влак шке нергенышт рекламе гоч да уремысе лӱмоҥа дене налше-шамычым палдарат.

Уремысе лӱмоҥа – тиде оралтын ончыл могырыштыжо, пурымаш воктене, верланыше конструкций. Тудо организаций але предприятий нерген кӱчык уверым пуа. Тыге еҥ-влак, пурыде, кӧргыштӧ мо улмо нерген пален налыт.

Марий Элыште лӱмоҥа-шамыч кок кугыжаныш йылме (руш, марий) дене возымо лийшаш улыт. Сакыме увер тӱрыснек рушла да марла лийшаш. Вет Марий Эл Республикыште улшо йылме-шамыч нерген законышто 53-шо статьяште возымо: официал увертарымаш, информаций, плакат, афише, рекламе-влакын текстышт Марий Эл Республикын кугыжаныш йылме-шамычышт дене ышталтыт. Тыгак палдарена: лӱмоҥаште кавычке кӧргыштӧ улшо лӱм деч посна чыла информаций кусаралтшаш (тудо сату пале улеш гын, ок кусаралт).  

Йошкар-Олаште верланыше кевытысе лӱмоҥа-шамычым лончылымо деч вара тыгайрак иктешлымашым ышташ лиеш: шукыж годым лӱмоҥа-влак лач руш йылме дене гына возымо улыт. Марий йылмышке кусарыме-влак вашлиялтыт гынат, чыла увер марла ок пуалт, пеле рушла да пеле марла возалтеш. Тӱрыс кусарыме текстыште йоҥылыш-влак ятырак койыт. Тыгодымак марла чын возымо лӱмоҥа-влакымат муаш лиеш, а тидыже кугу ӱшаным пуа.

«Магнит», «Перекресток» кевытлан лӱмоҥаштым лач руш йылме дене гына возымо. «Кувшинка» ден «Пятёрочка» кевытлан лӱмоҥаштым пеле рушла да пеле марла возен пуымо. «Сахарок» кевытын лӱмоҥаштыже йоҥылышым колтымо: «Убиратлыме кече – 1 число каждый тылзым» огыл «Кажне тылзын 1-ше кечыже – арулык кече» манын возыман. «Бристоль» кевытын «Культура потребления» мут сочетанийжым «Шкемым чын кучен пайдаланымаш» манын кусараш лиеш.

Чӱчкыдын кучылтмо шомак-влак тыгеракын кусарыме лийыт: фирменный магазин – фирме кевыт, продукты - кочкыш сату, продукты и напитки – кочкыш ден йӱыш, без обеда и выходных – кечывал кочкыш да каныш кече деч посна.

Ушештарена, йолташ-влак, чын огыл возымо лӱмоҥам ужыда гын, Марий тӱвыра рӱдерын почтышкыжо Этот адрес электронной почты защищён от спам-ботов. У вас должен быть включен JavaScript для просмотра. колтыза.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.