Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

«Йылме REVIZORRO» пашам умбакыже ышта. Тиде гана «Медицине да тазалык» темым  шымлена. Кызытсе жапыште тӱрлӧ эмлымвер/медсанчасть, ӱдырамаш тазалык шотышто каҥаш, медицине рӱдер, оптике, поликлиник ден клинике-влак, пӱй эмлыме вер ден вӱр налме станций-шамыч пашам ыштат. Нунын лӱмоҥаштым  кузе возымым ончал лекме..

Ушештараш уто огыл. Марий Эл Республикыште улшо йылме-шамыч нерген законышто 6 главан 52-шо статьяже урем, пӧлка, предприятий, организаций-влакын лӱмыштым кугыжаныш йылме-шамыч дене возаш кӱлме нерген палдара. Тыгак 53-шо статья официал увертарымаш, информаций, плакат, афише, рекламе-влакын текстыштым Марий Эл Республикын кугыжаныш йылме-шамыч дене ышталтшашлык нерген каласа.

Мо законышто возалтын, тудак илышыште шыҥдаралтшаш. Чаманен каласаш кӱлеш, шукыж годым, законым шотыш огыт нал, садлан тӱрлӧ пӧлкан лӱмоҥаже-влак, афише, рекламе-шамычын текстышт шукыж годым ик руш йылме дене гына возалтыт. Мутлан, «Здравствуйте» регионысо клиникын лӱмоҥаже лач рушла гына возымо.

Марий йылмышке кусарыме лӱмоҥа але увертарымаш-влак вашлиялтыт гынат, чыла информаций марла ок пуалт, пеле рушла да пеле марла возалтеш. Мутлан, «Амелик» медицине рӱдерын лӱмоҥаштыже «медицинские анализы» кусарыде кодын. Тудым «медицине анализ» семын кучылташ лиеш.

Тӱрыс кусарыме текстыште йоҥылыш ятырак койыт. Тидыже шке гыч кусарыме кӧралан лийын кая. «Министерство здравоохранения РМЭ» тыге лиеш: Марий Эл Республикын Тазалык аралымаш министерствыже. «Инфекционный корпус Йошкар-Олинской городской больницы» «Йошкар-Оласе эмлымверын инфекций корпусшо» лиеш.

Южо паша-влак марий йылме дене чын возымышт дене куандарат. Вет ятыр рекламе агенстве-шамыч В. М. Васильев лӱмеш Йылмым, сылнымутым да историйым шымлыше марий инстутышко полышым йодаш вашкат. Сандене институтын пашаже вигак шинчаш перна. Теве, мутлан, эмлыме клинике да диагностике рӱдер АОУ «Афалина», Марий Эл Республикын «Йошкар-Оласе эмлымвер» кугыжаныш бюдшет тӧнежын лӱмоҥаштым чын кусарыме. 1-ше №-ан йоча поликлиникын тазалыкым тӧрлатыше пӧлкан лӱмоҥаште опечаткым колтымо.

Марий Эл Республикын «Республикысе йоча клинике эмлымвер» кугыжаныш бюджет тӧнежын лӱмоҥаштыже лач «круглосуточный станционар» кусарыдыме кодын. Тудым «йӱд-кече пашам ыштыше станционар» семын кусараш темла.

Шымлыме пашам Марий тӱвыра рӱдерын активистше-влак Йылмым, сылнымутым да историйым шымлыше марий инстутысо Йылме пӧлкан шанче пашаеҥже филологий науко кандидат Марина Ипакова дене пырля ыштеныт.

Ушештарена, йолташ-влак, чын огыл возымо лӱмоҥам ужыда гын, Марий тӱвыра рӱдерын электрон почтышкыжо колтыза.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2017 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.