Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Республикысе марий тӱвыра рӱдер 2018 ийысе паша кечыжым Шорыкйол йӱла пайрем дене тӱҥалын. Тудым 7 январьыште Йошкар-Оласе Ленин площадьыште эртарыме.

Пайремыш толшо-влакым васликува ден васликува, мӧчӧр-влак вашлийыныт, улан илышым, пиалым тыланеныт, тӱрлӧ йодышлан вашештеныт, пырля марий модыш дене модыныт.

Шорыкйол пайрем мурылан поян лийын. Республикысе тӱвыра рӱдерын «Чон оҥгыр», «Сото вий», Медведево район Знаменский тӱвыра пӧрт пеленсе «Мур пеледыш» фольклор коллектив-влак марий калыкнан Шорыкйол годымсо такмак-влакым йоҥгалтареныт, тӱрлӧ кундемыште илыше марий-влакын калык мурышт дене куандареныт.

Эстраде аланым Марий Элын тӱвыран сулло пашаеҥже Татьяна Денисова, самырык мурызо-влак Екатерина Шабдарова, Валерий Чиванов да Алексей Юнусов мурышт дене сӧрастареныт.

Рӱдер вуйлатыше Наталья Пушкина пайремын унаже-влаклан У ийыште пашаште кугу сеҥымашым, ваш келшен илымашым, икте-весым пагалымашым тыланен.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2018 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.