Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

12 пеледыш тылзын марий кундем Российын кечыжым кумдан палемден. «Российын калыкше-влакын келшымаш парадышт» акцийыш марий рӱдолаште илыше чыла гаяк калыкын еҥышт, тунемме тӧнеж, посна организаций, мер ушем-влак ушненыт. Республикысе марий тӱвыра рӱдерын пашаеҥышт да рӱдер пеленсе «Чон оҥгыр» фольклор ансамбль келшымаш парадыште да олаште эртаралтше ятыр мероприятийыште лийыныт.

Тӱҥ мероприятий В.И.Ленин площадьыште почылтын. Марий Эл Республик вуйлатыше Александр Евстифеев шочмо элнан тӱҥ кугыжаныш пайремыш толшо-влакым Российын кечыже дене саламлен, 14 ийым темыше вич ӱдыр-рвезылан паспортым кучыктен. Тыгак «Йошкар-Ола» муниципал образованийым вуйлатыше Александр Принцев, марий рӱдолан мэрже Евгений Маслов саламлымаш шомакым каласеныт.

«Российысе марий-влак» федерал калыкле-тӱвыра автономийын йыжъеҥже-влакат шочмо элнан тӱҥ кугыжаныш пайрем колоннышто эртеныт. АвтономийСоветым вуйлатыше Лариса Яковлева официал еҥ-влак дене пырля Воин Чап монумент ончылно пеледыш аршашым пыштен.

А пайрем Йошкар-Олаште кас марте шуйнен, парк ден бульварыште, тӱвыра тӧнеж-влак ончылно да заллаштышт концерт программе, спорт таҥасымаш эртеныт, уремысе киноат ятыр кумыланым ушен. Чылаже ола мучко 11 площадкыште 20 утла тӱрлӧ сынан меропритяий-влак эртеныт.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.