Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

16 июньышто Йошкар-Олаште «Пеледыш пайрем» лиеш. Пайремын учредительже-влак: Тÿвыра, печать да калык-влакын пашашт шотышто министерстве, Ялозанлык да кочкыш сату шотышто министерстве, Мер Каҥаш.

Организатор-влак коклаште лу утла бюджет тӧнеж ден мер ушем-влак улыт, поснак Республикысе марий тӱвыра рӱдерым палемдыман.

Пайрем Йошкар-Оласе Тумер отышто Агавайрем дене 9 шагатлан почылтеш. Тиде жапыштак Тӱҥ каныме паркыште кудо-влакым вераҥдат. Конкурс кӱкшытан ончерыш район, калыкле-тӱвыра ушем-влак ушнат, шке кундемысе калыкшын йӱла ойыртемжым почыт. Тыгак мастар-влак шке сатуштым ужалаш луктыт, мастаргудышто пу, нымыште, воштыр, кӱртньӧ гыч тӱрлӧ ӱзгарым ышташ туныктат.

9 шагат гутлаштак Тӱҥ каныме паркыште Марий Элысе сӱретче ден фотограф-влакын пленэрышт почылтеш.

10 шагатлан Ленин лÿмеш тÿвыра полат ончылно Йошкар-Оласе да республикысе районла гыч уста коллектив-влак, мер ушем ден калыкле-тӱвыра автономийын еҥышт погынат. Уна аланыште нуным самырыкъеҥ-влак кинде-шинчал дене вашлийыт.11 шагатлан тӱвыра полат гыч Ленин проспект дене В.И. Ленин лӱмеш площадь марте таҥ ошкылыт. 11 шагатат 45 минутышто Пеледыш пайрем торжественно почылтеш.

12 шагат эрталтымеке пайрем колонно Комсомольский урем дене Тӱҥ каныме паркыш кая. Тыште кечыгут, 18 шагат марте, мурымаш-куштымашан, йоча да спорт мероприятий-влак лийыт, тыгак черемис кучедалмаш, марий калык модмаш-влак эртат.

Кеҥеж эстраде площадкыште пайремым «Морко кундем» калык вокал ансамбль тӱҥалеш. Тыштак 16 шагатат пелылан гармончо-влакын фестивальышт эрта. Тушко гармончо-влак дене деч посна марий калык семӱзгар дене шоктышо мастар ден такмакче-влакым пагален вучат.

12 шагат эрталтымеке Тулото алан паша йогынжым тӱҥалеш: «Калык чон» фольклор мероприятийыш районла да регионла гыч толшо фольклор да вокал коллектив-влак ушнат, посна мурызо-влакат мурчоныштым почыт.

Тыштак кенеж театр почылтеш: 16 шагатат 30 минутлан Марий Эл Республикысе йоча да самырык-влаклан театр-рӱдер марий драматург Зинаида Долгован «Немыч вате» спектакльжым ончыкта.

Сеҥымашын 30-шо идалыкше лӱмеш полат ончылно «Пеледыш-miks» икмыняр мероприятийым уша: пеледыш нерген мурым мурышо-влак коклаште конкурс эртаралтеш, пеледышым аршашыш чумырымо шумлык мастаргудо почылтеш. «Марий ӱдыр» моторлык да усталык конкурс лиеш, тыгак этномодын кызытсе тапырысе виктышыже дене палдарат. Морко кундемысе «Шуматкече» вокал да семӱзгар ансамбльын, эстон хорын выступленийыштым ончаш лиеш.

11 шагатлан Чарла Кремльыште «Пеледыш fest» тӱвыра, туризм да каныме фестиваль тӱҥалеш. Тыштак сылнымут уна алан почылтеш. Эстон шагат годым Эстонийысе Тарту ола гыч камерный хор ден куштышо коллектив шке мастарлыкыштым ончыктат. Марий сем почеш этнофитнес эртаралтеш.

Пеледыш пайрем Ленин площадьыште мучашлалтеш. Тушто 18 шагат гыч 22 шагат марте кум мероприятийым ужаш лиеш. Я. Эшпай лӱмеш Марий кугыжаныш филармоний «Марипарк» сем да куштымаш спектакльым ончыкта. Тудын деч вара пайрем концерт лиеш. Тудым марий эстрадын шÿдыржö-влак сöрастарат. Пеледыш пайрем «Йӱд ола» файер-шоу мучашла.

Палемдыман, 2017 ийыште Регион-влак кокласе марий тӱвыра пайрем  «Пеледыш пайрем» событийный туризм велым «Russian Event Awards-2017» Россий кӱкшытан конкурсышто финалыш лектын. Пайрем нерген фото да уверан статьям «Пора путешествовать по России» электрон ойпогыш пуртымо.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2018 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.