Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

1 июньышто, сылне кеҥежын икымше кечынже, тӱнямбал кӱкшытыштӧ Йочам аралыме кечым палемдена. Эртыше жапым шарналташ гын, пале, молан лач кеҥеж пагытын икымше кечынже тудым палемдаш тӱҥалме. 1925 ийыште Китайын Америкысе генеральный консулжо тулык йоча-влакым поген да нунылан пайремым эртарен. Тиде кечынак Женевыште йочам аралыме йодыш дене Тӱнямбал конференций лийын. 1950 ий гыч ООН-ын тӱҥалтышыж дене 1 июньышто Йочам аралыме кечым палемдена.

Икшыве – илышын куанже, чечен пеледышыже. Таче йочам шуарымаште, уш-акылжым да кид-йолжым пеҥгыдемдымаште шуко йӧн уло. Тиде йӧным, мутлан, Республикысе марий тӱвыра рӱдер шке пашаштыже кучылтеш да марий кундемысе ола ден районласе икшыве-влаклан тӱрлӧ сынан марий пайрем ден мероприятий-влакым эртара. Икмыняр ий почела Йочам аралыме тӱнямбал кечылан пӧлеклалтше «Изи мӧр пеледыш» республик кӱкшытан пайремым ямдыла да ола ден ялла гыч марий падыраш-влакым ӱжеш. Теният тиде йӱла деч кодмо огыл: эрла тудо Калыкле президент сымыктыш школышто эрташ тӱҥалеш. Тыге йоча-влакым марий йылмым, йӱлам да тӱвырам пагален илаш туныкта.

Марий тӱвырана да йылмына икшыве чоныш шыҥдарымаште вес йӧнымат кучылтеш – рӱдер пелен кок йоча ансамбльым чумырымо. Тушко марий рӱдолаште илыше икшыве веле огыл, эсогыл ола деч тора огыл ялла гыч йоча-влак кумылын коштыт, марла мураш, семӱзгар дене шокташ тунемыт. Нуным чӱчкыдын оласе сценылаште ужаш лиеш.

Тыгак йоча-влак марий йылмым, тӱвырам сайын палышт манын, марий мультфильмым, видеоурокым войзымо, республикысе да марий-влак илыман регионлаште шарыме.

Тыгай паша дене ме, марий тӱвыра рӱдерын пашаеҥже-влак, кызытсе куштылго огыл илышыште йоча ынже торжаҥ, оккӱл дене ынже алгаштаралт манын туныктена, арален шогена.

Пагалыме йоча-влак! Пайрем дене алал кумылын саламлена. Тек илышда порылык да куан тул дене эрта. Лийза ача-авадан, коча-ковадан эҥертышыже. Таза, пиалан лийза, кеҥеж канышда йомартлын эртыже.

Ача-ава-влаклан йочам ончымаште да илыш корныш шогалтымаште пеҥгыдылыкым тыланена.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2018 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.