Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

Агавайрем – кугезына-влакын мландым жаплыме пайремже. Тудо мландын шнуй куатшым, пӱртӱсын вийжым чапландарыме дене кылдалтын. Тудын дене шошо годымсо йӱла радамым мучашленыт.

Агавайремым эртарыме жап ик семын ок тол. Тудым ага пашам тӱҥалме деч ончыч пайремленыт, но шукыж годым шоша агам мучашлымеке, Кугече деч вара 50 кече эртыме гутлаште палемденыт. Тудым эртарыме годым ятыр йӱла шукталтын. Нуно икияш кушкылым ӱдымӧ але шындыме, ончыкшым кӱкшӧ лектышан киндым, емыж-саскам шочыктымо манме шонымашым шыҥдареныт.

Агавайремлан кажне сурт ямдылалтын, пӧрткӧргым, кудывечым, уремым эрыктеныт. Пайрем кечын мончаш пуреныт, мелнам, перемечым кӱэштыныт, подкогыльым тӱрленыт, пурам шолтеныт, шуко муным поген ямдыленыт. Кумалтышыш ару вургемым чиеныт. Тудым Агавайрем отышто але лӱмын келыштарыме верыште – шелыкыште – эртареныт. Кумалмашке толшо калык онаеҥ дене пырля Агавайрем Юмо деч серлагышым, поро шулыкым йодын.

Кумалтыш деч вара шочыктен шогышо вийын символжо – муно дене – тӱрлӧ модмашым эртарыме Кугече пайрем годсо семынак лӱҥгалтыш дене лӱҥгалтеныт.

Кумалтышым, модмаш-влакым эртарыме деч вара онаеҥ тауштымо кумалтышмутым каласен. Агавайремыш толшо кажне еҥ авызлыме деч вара кодшо чесыжым мӧҥгыжӧ наҥгаен.

Пайремын кокымшо кечынже, сурт еда коштын, пура дене сийлалтыныт.

Пайрем годым ойӧрӧм эскереныт, вургемым мушкаш, йӱк-ӥӱаным лукташ, шӱртым чиялташ ок лий улмаш.

22 май – Волжский район Кожласола

Звенигово район Исменца ял, Ташнур ял

3 июнь – Советский район Янгранур, Пибахтин починга, Шуймучаш,
Мугыл, Кукмарий, Шанер, Васташуй, Кундышӱмбал, Ашламаш, Кораксола
У Торъял район Агавайремыш лектеш
Куженер район Шинур ял

4 июнь – Марий Турек район Тошкем ял

9 июнь – Советский район Немычродо,
Янгранур ял Курык кугызалан кумалеш
Йошкар-Олаште Агавайрем кумалтыш
Марий Турек район Кӱшыл Турек, Марий Купта Агавайрем кумалтыш

10 июнь – Советский район Тапшер, Колокудо, Кугенер, Афанассола

11 июнь – Марий Турек район Акпатырево ял

14 июнь – Марий Турек район Сардаял

15 июнь – Йошкар-Олаште Агавайрем юмылан иктешлен вуйым савымаш

16 июнь – Советский район Колокудо ял Курык кугызалан кумалеш
У Торъял район Тушнур ял кумалтыш
Марий Турек район Средняя Мосара

17 июнь – Советский район Кугунур, Эҥермучаш
У Торъял район Эшымсолан отышто Агавайрем кумалтыш
19 май – Марий Турек район Ӱлыл Турек

20 июнь – Параньга район Елеево ял Агавайрем кумалтыш

22 июнь – Параньга район Памашъял Агавайрем кумалтыш

23 июнь – Советский район Ӧрша ял кумалтыш
У Торъял район Семисола ял кумалтыш
Чумбылат курыкышто кумалтыш

30 июнь – Советский район Пактек ден Кукмарий Вӱд авалан,
Вечын, Колянур

Списке тичмаш огыл. Ешаралташ тӱҥалеш.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.