Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

Кечым, тылзым да шӱдыр-влакым ончен марий юмыйӱла кече-влак дене палдарена

Акрет годсек марий калыкын пайремже-влак лийыныт. Кечым шотлымо радамжат кызытсе марте аралалт кодын. 2021 ийысе марий кечышот дене палдарена.

Ош Кугу Юмо , Ӱярня кугу юмо, йӧратен лийын шогыза, серлаген шогыза, алал лийже. Ош ӱстембал шовычетым кум мелла шаралтен, тичмаш чесетым поген шынден, тичмаш кинде сукырет, ӱян эгерчет, тичмаш ӱян туарат дене, салмавушет, тӱрлӧ пучымышет, шӱр лемет дене, шӧр-ӱмбал шӧрет дене, ӱй кӱмыжет дене, мӱй кӱмыжет дене, шыл когылет дене, саска шорва сортат дене мемнан пелештен шогымына ашеш кайыже.

Перке юмо, тӱрлӧ-тӱрлӧ перкетым виктарен шого. Ӱярня арня пайремет дене куандарен илаш серлаген шого, Юмо кумалме чӱчӱ-чӱчӱньо-шамыч дене, тичмаш чесет дене, вашталтен кумалын, пелештен шогымет дене йӧратен лийын шогыжо. Ӱдыр-каче йӱын-кочмо шогымыж дене модын воштылмо дене йӧратен лийын шого, серлагышым пу. Йолварат дене модын-воштылын мунчалтымет дене куандарен шого. Ӱдыр ден качым ваш ушен шого, Ӱярня кечет дене, леве луметым кондымет дене, кеҥеж кечын леве йӱретым кондымет дене куандарен илаш серлаген шого. Осал озыркан мардеж деч, осал тул ойып деч аралтышым ыштен шого. Мыйын пелештымем ашеш кайыже, юмо-суксо, виктарен шого, саска сорта шуктен виктарен шого. Алал лийже.

«Ош Сандалык ончылно» книга гыч налме.

Ий еда тудо 19 январьыште лиеш. Марий верам кучышо-влак тиде кечым «Юмым чыкыме кече» але «Вӱд модмо кече» маныт. Тиде кечын шыртше тарваныме жапше. 19 январь деч вара пӱртӱс вашталтеш, кече ырыкташ, киса эркын мураш тӱҥалеш. Тиде пагытыште кечыйолат вӱдым чотырак ырыкта. Сандене тиде жап эше мланде ылыжме пагытлан шотлалтеш. Лач ты кечын вӱд левешт кая. А тидыже кӱшыл да ӱлыл магнитный поле вашкылым кучымылан кӧра лиеш.

Тиде кечын налме вӱдым тылзе ваштареш шындет гын, тудо идалык мучко эн виян лиеш. Тыгай вӱд дене капымат мушкаш, пӧртымат эрыкташ лиеш. Тидлан юзо виян вӱдым вес вӱдыш ешараш келшен толеш.

Ты кечын южо вере Вӱд авалан кумалыт, тудлан шере колым, шем агытаным але шем лудым пуат.  

Вӱдым налме годым пелештыме мут

Таче Вӱд модмо кечет, Вӱд ава, Вӱд суксо йывыртыктен толын шого. Ший памаш дек толын шогалын, ший вӱдетым налын, ший вӱдет дене мушкылтын, таум ыштен пелештем. Ший вӱд гай вий-куатым поген шогаш, капкыл тазалыкым, кужу ӱмырым йодам. Сурт-печышкем наҥгаен, еш дене мушкылтын да йӱын, тазам, аралтышым йодам. Вольыклан йӱктем, таза, тӱле лийже. Вӱд авалан, Вӱд суксылан алал лийже. Чыла осалым ойырыза, ончыкыжым сай илышым виктарен шогыза. Мыйын пелештымем алал лийже.

Онаеҥ В.Актуганов

Марий Эл 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2021 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.