Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

3 декабрьыште Марий Эл Республикысе тÿвыра, печать да калык-влакын пашашт шотышто министерствыште шушаш Марий талешке кечылан пöлеклалтше пресс-конференций эртен. Тений ты пайрем 17-ше гана эртаралтеш, но  тыгай пресс-конференций икымше гана погынен. Журналист-влакын йодышыштлан Марий Эл Республикысе тÿвыра, печать да калык-влакын пашашт шотышто министрын алмаштышыже Г.С.Ширяева, «Республикысе марий тÿвыра рÿдерын» директоржо Н.В.Пушкина, МарГУ-со тÿвыра да сымыктыш факультетын деканже Р.И.Чузаев, «Марий Эл Республикысе писатель ушемын» вуйлатышыже С.Д.Архипова вашештеныт.

- Марий талешке кече марий калыкын ик кугу пайремже-влак радамыште шога. Тудо республикысе мер-политике илышыште кугу рольым модеш. Тений тудын дене кундемыштына Сылнымут идалыкым иктешлена, - ойлен Г.С.Ширяева.

Н.В.Пушкина пайрем программе дене палдарен.

- 9-10 декабрьыште тÿрлö мероприятий-влакым эртарена: иктежле диктант, шанче-методике семинар, йыргешке ÿстел, дискуссий клубын пашаже да тулеч молат. Пайрем кас Шкетан лÿмеш марий кугыжаныш драме театрыште лиеш. Марий тиште кече «Шöртньö агур» кафеште «Сылнымут кафе» поэзий шÿлышан кас дене мучашлалтеш, - каласкален Наталья Васильевна.

Иктежле диктант дене кылдалтше шуко йодышым шоктен. Теният тудым орфографий правил дене возаш тÿҥалыт. Диктантым МарГУ-што возат, тыгак районлаштат тудым эртарат. Таче кечылан 16 йодмаш пурен. 9 декабрьыште 8 шагатат 55 минутлан йодмаш нунын деке электрон почто дене текстым колтат.

- Ўмаште диктантым 700 еҥ возен гын, тений 1000 утла лиеш манын ÿшанена, - ойлен Р.И.Чузаев.   

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2020 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.