Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

  9 декабрьыште Йошкар-Олаште Марий кугыжаныш университетын залыштыже Марий Тиште кечылан пӧлеклалтше «Йылме да калык» регион-влак кокласе шанче-практик конференций эртен. Чылаже 60 наре доклад Марий Элысе тӱрлӧ район да ола гыч, тыгак Пошкырт, Одо, Чуваш республикыла гыч пурен. Тушеч ятыржым кок пленар погынымашыште да 5 сецийыште колыштмо.

Конференцийым Марий Эл Республикысе правительстве вуйлатышын алмаштышыже, тӱвыра, печать да калык- влакын пашашт шотышто министр Михаил Васютин, Марий Оньыжа Анатолий Иванов, Марий кугыжаныш университетын ректоржо Михаил Швецов почыныт. Нуно погынышо-влакым Тиште кече дене саламленыт. Тиде кече 1998 ий гыч Марий Эл Президентын Указше почеш пайремлалтеш.

Шке тӱҥалтыш мутыштыжо Михаил Васютин эртарыме Тиште кечын ий гыч ийыш кумдаҥ толмыжым да тачысе конференций пайремын кӱлешлыкшым да лектышыжым ончыктымым палемден. Министр МарГУ-со калыкле тӱвыра да тӱвыра-влак кокласе кыл институтым вуйлатыше Родион Чузаевлан «Калык верч тыршымаш» (марий литературлан негызым пыштыше С.Г.Чавайлан 125 ий темме лӱмеш) медальым кучыктен.

Икымше пленар заседанийыште Ольга Орлова, историй науко кандидат, В.М.Васильев лӱмеш МарНИИЯЛИын пашаеҥже, «Марий Элыште марий йылмым калык дене кучылталтмаш» нерген докладым ыштен.

Пленар заседанийын вес докладше –  Венгрийысе Сомбатхей олаште верланыше Константин Филосов лӱмеш университетын профессоржо Янош Пустаин «Российысе финн-угор республиклаше йылме йодыш (ӧрдыж гыч ончымаш)».

Валентина Григрорьева, филологий науко кандидат, Марий кугыжаныш университетын финн-угор йылме-влак кафедрын доцентше «Марий йылмым тунеммаште социолингвистический аспект» нерген каласкален.

Тиде кечынак  200 утла еҥ марий йылме дене диктантым возен. Тыгак шанче-влак «Марий йылме да компьютер: вияҥме корно» йыргешке ӱстелыште шке шонымаштым ойленыт.

10 декабрьыште пайрем Республикысе курчак театрыште умбакыже шуйна (Йошкар-Ола, Царьград проспект, 35 пӧрт). 17 шагатлан «Марий Элын эн сай книгаже – 2014» выставке почылтеш. 18 шагатлан  пайрем кас тӱҥалеш. Диктантым тӱшкан возымаште, «Марий Элын эн сай книгаже – 2014» республикысе VI конкурсышто, «Марнетын шӱдыржӧ» марий сайт да «Ӱдырамаш корно" очерк конкурслаште сеҥыше-влакым саламлат. 

Конференцийым ямдыленыт: Марий Эл Республикысе тӱвыра, печать да калык- влакын пашашт шотышто министерствын полшымыж дене Марий тӱвыра рӱдер да Марий кугыжаныш университет.  

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.