Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

28-29 ноябрьыште Йошкар-Олаште Мер Каҥашын "Марий форум: шыже сессийже" эртен. Тушко 100 наре еҥ Марий Элын тӱрлӧ районжо да марийын тӱшкан илыме ятыр регион - Киров, Одо, Пошкырт, Пермь, Татарстан, Угарман кундемла да Санкт-Петербург ола -  гыч толыныт. Форумышто Республикысе Марий тӱвыра рӱдер деч вуйлатыше Валерий Григорьев, тудын алмаштышыже Римма Юрьева, методист Галина Ласточкина лийыныт.

Икымше кечын Мер Каҥашын пленумжо лийын. Ик эн тӱҥ йодыш самырыктукым дене кылдалтын. Ты шотышто тӱҥ докладым Марий Оньыжан алмаштыже Алёна Иванова ыштен. Тудо тӱрлӧ кундемыште илыше ӱдыр-рвезе-влакым ушышо проект-влакын кӱлешлыкышт нерген ойлен. Мутлан, марий самырыктукымын Россий кӱкшытан слётшо, "Мый марла ойлем" да "Кнага - яллан" акций-влак, сылнымут да куштымаш флеш-моб.

Тиде кечынак Василий Блиновын, Геннадий Григорьевын, Игорь Ивановын, Любовь Михееван, Юрий Морозовын, Раиса Попован да Юрий Юсуповын верысе Мер Каҥаш активын паша лектышыж нерген да Марий Эл ден марий-влак тӱшкан илыме регионла коклаште вашкелшык-влак шотышто уверым колыштыныт.

Вес кечын конференций эртен. "Марий Элыште калык-влак кокласе конфессий кыл: социал паша шынык" темым нӧлталыныт. Тидын нерген Марий Элысе тӱвыра, печать да калык-влакын пашашт шотышто министр Михаил Васютин ойлен. Тыгак улшо ото-влакым аралыме да у кумалме верым почмо паша шотышто йодышым каҥашеныт. Шке ойыштым Марий кундемын тӱҥ онаеҥже Александр Таныгин да моло вер гыч толшо онаеҥ-влак ойленыт.

Марий форум кышкарыштак Марий-влакын Федерал калыкле-тӱвыра автономийым пеҥгыдемдыме конференций лийын. Тиде автономийым вуйлаташ РФ Кугыжаныш Думын депутатше Лариса Яковлевалан ӱшанен пуэныт.

Тунамак "Марийцы Пермского края" книга презентаций эртен.

Марий форумыш толшо-влак "Марий памаш" фольклор ансамбльын юбилей концертышкыже, М.Шкетан лӱмеш Марий кугыжаныш драме театрын 95 ияш юбилейышкыже миен коштыныт.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.