Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

 15-16 ноябрьыште Салехард олаште Марий тӱвыра кече эртен. Тудым «Марий кундем» калыкле-культур автономий ямдылен. Эртарыме пайремыш Марий Эл гыч колтымеҥ-влак миеныт: Марий Элын калык артисткыже Зоя Берникова, калык да эстраде мурым мурышо Лариса Сидоркина, «Саскавий» ӱдырамаш ушемым вуйлатышыже Ираида Степанова, гармоньчо Александр Иванов, Медведево район Знаменский поселкысо «Мурпеледыш» фольклор ансамбль (вуйлатыше Эльвира Петрова).

Марий тӱвыра кече Окружной калык тӱвыра рӱдерыште кугу пайрем дене почылтын. Марий Эл гыч толшо уна-влак Марий Эл тӱвыра министр Михаил Васютинын саламлыме мутшым каласеныт.

Сылнештарыше кидпаша мастар Леонид Григорьевын поснаончыш Салехард олаште илыше-влакым да родо-тукым финн-угор калыкым: хантым, ненецым, селькупым, марим, финным, коми-зыряным чумырен.

15 ноябрьыште марий калык вургем погыным тӱрлызӧ Ираида Степанова ончыктен. Тыгак йоча-влаклан «Марий тӱр тӱня» практик сынан урокым эртарен.

 Тиде кечынак кугыеҥ-влак «Марий касыште» каненыт. Касым вӱдышӧ Лариса Сидоркина марий муро да модыш-влак ден палдарен. Касым эртараш мурызо Зоя Берникова, гармонист-влак Александр Иванов да Эльвира Петрова, «Мурпеледыш» (Марий Эл) да «Марий кундем» (Салехард) фольклор ансамбль-влакын участникше-влак полшеныт.

 Касыш толшо-влак марий кочкышым тамленыт. Лӱмынак ямдылыме «Мелна руаш» кочмо-йӱмӧ вер пашам ыштен.

Окружной калык тӱвыра рӱдерын изи залыштыже да Ямало-Ненец автоном округ Приуральский районысо Аксарка посёлкышто «Марий куштымо сем» концерт эртен.

  

 

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.