Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

7-9 августышто Йошкар-Олаште да Кокшайск посёлкышто «Песни Булата на Волге» автор муро да поэзий регион-влак кокласе фестиваль эртыш. Тушто Республикысе тӱвыра рӱдер пеленсе «У муро» вокал студий шке вийжым икымше гана тергыш. «У муро» ты фестивальым эртарыше кокла гыч иктыже.

Регион-влак кокласе фестиваль – «Песня Булата» Россий кӱкшытан фестивальын икымше этапше. Тудо тӱрлӧ регионышто эрта. Марий Эл да Юл кундемын моло регионжын эн мастар бардыштым лач мемнан велне ойыреныт. А фестиваль Булат Окуджаван усталык пашажлан да тудын 90 ияш лӱмгечыжлан, Йошкар-Олам ыштымылан 430 ий теммылан пӧлеклалтын.

Марий кундемыш Озаҥ, Шупашкар, Владимир, Петропавловский-Камчатский гыч мастарлыкыштым ончыкташ толыныт. Тыгак Самара, Тольятти, Москва, Воронеж гыч уна-влак лийыныт. Нуно, тӱҥ шотышто, жюри але организатор семын пашам ыштеныт. Жюри радамыште Марий Эл гыч Геннадий Григорьев, «У муро» студийым вуйлатыше, бард, лийын.

Геннадий Григорьевын палемдымыж почеш, жюри радамыш логалаш куштылго лийын огыл, вет кажныже фестивальыш чумыргышо-влак ончылно шке мастарлыкшым ончыктышаш ыле – жюрин еҥже тыглай участник деч шукырак палышаш.

А Марий кундемыште эртыше фестивальын ик эн ончыл шонымашыже: Булат Окуджаван мурыжо марла йоҥгалтшаш. Тидым «У муро» студийын еҥже Екатерина Шабдарова ыштен. Ӱдыр Булат Окуджаван мурыжым марла акапельно йоҥгалтарен. Мутшым Мария Смирнова кусарен.

Тыгак фестивальыште Геннадий Куклин марла мурен. Екатеринат, Геннадият шке номинацийыштышт дипломант лийыныт.

Жюри председатель Александр Цилькерын ойлымыж почеш, «Песни Булата на Волге» фестиваль моло фестиваль дене таҥастарымште утларак кугу кӱкшытыш шуыш.

«Песня Булата» Россий кӱкшытан фестивальын финалже декабрьыште Моско кундемыште лиеш.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.