Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла
Arrow
Arrow
Slider

25 майыште палыме марий бард, поэт, Республикысе марий тӱвыра рӱдер пеленсе «У муро» вокал студийым вуйлатыше Геннадий Григорьев 55 ияш лӱмгечыжым палемден. Рӱдерын коллектыше тудым чапле пайрем дене шокшын-шокшын саламла.

 

 

Геннадий Григорьев 1959 ий 25 майыште Параньга районысо Усола ялеш шочын. 1979 ийыште Марий совхоз-техникумыш зоотехник-организаторлан тунемаш пурен. Тунемме деч вара Крым областьыште илен да пашам ыштен, 1986 ийыште Йошкар-Олаш илаш куснен.

Геннадий Григорьев – уста поэт, кок книгам луктын, 150 утла почеламутым возен. Тудын почеламутшо-влак 10 наре тӱшка сборникыште савыкталтын, тыгак «Марий Эл», «Кугарня» газетлаште да «Ончыко» журналыште лектыт. Тудо «Агытан мурымо годым», «Важык вуян йыдал» спектакль-влаклан мурым серен.

Эн палыме мурыжо-влак – «Ош куэ» ден «Корныеҥ» - тудын визитный картычкышкыже савырненыт. 2000 ийыште Геннадий Григорьев VМарий бард фестивальыште сайын выступатлен, а 2006 ийыште «JulaВий» бард мурын финн-угор фестивальжын лауреташе лийын. Кызыт тудын мурыжо-влак Марий Элыште веле огыл, туддеч ӧрдыжтат палыме улыт.

Геннадий Григорьев тыгак «У муро» вокал студийым вуйлата. Тудын вуйлатымыж почеш марий эстраде каваште кажне ийын изи шӱдыр-влак чӱкталтыт. Мутлан, кызыт Кристина Семёнован, Ольга Богачёван, Виктория Тихонован да молынат лӱмышт шукылан палыме.

Ойлышна, Геннадий Григорьев – уста поэт, палыме марий бард да эше пеш поро айдеме. Тудын гитара почеш муралтымыжым калык эре шокшын вашлиеш, самырык-влакат, кугурак ийготан-влакат уло кумылын колыштыт.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2019 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.