Адрес: 424000, Марий Эл республик, Йошкар-Ола, Первомайский урем, пӧрт 109.
Тел.: (8362) 45-88-51

Е-mail:mari-centr@mail.ru

рушла

О.М. Герасимов ямдылен. Савыктышыш пытартыш ийлаште калыкыште кумдан шарлыше, тудын йöратыме мурыжо-влакым чумырымо.

Г.З. Зайниев ямдылыме книгаште Марий АССР-ын калык поэтше, Сталинский (СССР Кугыжаныш) премий лауреат Миклай Казаковын ик курымаш юбилейжылан пöлеклалтын.

Тышке тудын тÿрлö жапысе почеламутлажым, илыш, литератур да йолташ-влак нерген статья ден шарнымашлажым, серыш-влакым пуртымо. Изи огыл верым тудын илыш корныжым да творчествыжым почын пуышо статья, шарнымаш да почеламут-влак айлат.

«Марий книга издательстве» савыктыш пöрт 2017 ийыште луктын.

Автор тиде книгаж дене кодшо ийлаште савыктыме «Илыш муро», «Колымшо курым», «Нунын ÿмыр - сото шÿдыр», «Акырсаман», «Кÿкшака» ойпого-влакын темыштым умбакыже шуя.

Тыште колымшо курымысо марий литературын сын-кунжо, ойыртемже тунамсе серызе-влакын илышышт да творчествышт гоч ончыкталтыт. Нунын кокла гыч южышт нерген але марте шагал палена. Кок очерк йöршын гаяк тÿкыдымö темылан (литературышто шолыштмаш да писатель-влакын псевдонимышт) пöлеклалтын. «Кинде шултыш але пуста моктеммур» статьяште автор кызытсе литератур критике нерген шонкала.

«Марий книга издательстве» савыктыш пöрт 2017 ийыште луктын.

Писатель Валерий Якимов лудшо-влакым колымшо курымыш пöртылаш ÿжеш. Антологий шотан у книгашкыже тÿрлö жапыште серыме почеламут, поэме, балладе, повесть-йомак, пьесе-влакым чумырен.

«Марий книга издательстве» савыктыш пöрт 2017 ийыште луктын.

 Марий Элын сулло артистше, драматург Валерий Григорьевын икымше книгаже ош тӱням ужын. «Эҥыремышвот» книгашке авторын икмыняр пьесыже пурен.

Валерий Григорьев ятыр пьесым серен да театрын сценышкыже луктын. У савыктышышке вич произведений пурен: «Ава шӱм», «Ош йӱксӧ», «Эҥыремышвот», «Ял покшелне, клуб воктене», «Шоктесола пазар».

Пьесе-влак илышын тӱрлӧ шӧрынжым ончыктат, ошыжат, шемыжат лыҥак, герой-влакын койыш-шоктышышт шонкалаш таратат. Книга тӱрлӧ ийготан лудшо-влаклан темлалтеш.

Валерий Помбеевич Григорьев 15 ий Республикысе марий тӱвыра рӱдерым вуйлата. Шкеже Марий Элысе Провой кундемыште шочын-кушкын. Жапше годым Кульпросветучилищым (кызыт – И.С.Палантай лӱмеш тӱвыра да сымыктыш колледж) тунем пытарен. Салтак короно деч вара Республикысе курчак театрыште, М.Шкетан лӱмеш Марий кугыжаныш драме театрыште артистлан пашам ыштен. Москошто А.В.Луначарский лӱмеш ГИТИС-ыште актер мастарлыкым шуарен. Шкетан лӱмеш театрыш пӧртылын, вара Республикысе марий самырык театрыште артистлан, режиссерлан тыршен. 1996 ийыште «Марий Элын сулло артистше» лӱм дене суапландаралтын.

Пытартыш жапыште Валерий Григорьев драматург семын койынак ойыртемалтеш. Йоча-влаклан пӧлеклалтше пьесе конкурсышто «Йӱксӧ ӱдыр» произведений дене кумшо верым налын. «Марий драматургий» республик кӱкшытан конкурсышто кок гана «Ава шӱм» да «Эҥыремышвот» пьесе-влак дене кокымшо верыш лектын.

Ятыр пьесыже «Ончыко» журналыште савыкталтын, «Юзо гармонь» (2013) тӱшка сборникыште лектын.

Марий Эл 100 ий

logo 100

Погынлан 100 ий

logo 100

Аудиовозыш

Аудиовозыш

Видеовозыш

Видеовозыш

Кылвер

Е-mail:mari-centr@mail.ru

рушла
Яндекс.Метрика
© 2018 "Марий тӱвыра рӱдер" кугыжаныш бюджет тӱвыра тӧнеж. Чыла правам аралыме.